U Minsku pabudavali treciuju śniehapłavilnuju stancyju. Jana raźmieščanaja kala pierasiačeńnia MKAD z vulicaj Cimirazieva, niepadalok ad Ždanovičaŭ. Budaŭnictva zaviaršyli za piać miesiacaŭ zamiest zapłanavanych dziesiaci.

Novaja stancyja pavinna spraścić pracu kamunalnych słužbaŭ: hruzavikam z Frunzienskaha i Centralnaha rajonaŭ bolš nie daviadziecca pieravozić śnieh praz uvieś horad na punkt u Šabanach. Adnačasova tut možna budzie razhružać try-čatyry mašyny, kožnaja z hruzam da 20 kubamietraŭ śniehu.
Śnieh buduć zdrabniać admysłovymi ŭstanoŭkami i rastoplivać z dapamohaj ciopłaj vady z haradskoj kanalizacyi. Atrymanuju sumieś ačyściać ad piasku, roznych inšych rečyvaŭ i śmiećcia. Płavajučyja adkidy buduć źbirać u kantejniery i vyvozić na palihon, a dla zatrymańnia naftapraduktaŭ praduhledžanaja asobnaja pieraharodka. Paśla ačystki tałaja vada budzie pastupać na Minskuju ačyščalnuju stancyju.
Prajektnaja siaredniesutačnaja pradukcyjnaść novaha punkta składzie kala piaci tysiač kubamietraŭ. Čakajecca, što praz dva miesiacy stancyja zapracuje na poŭnuju mahutnaść.
Ciapier čytajuć
Prajektavali karoŭniki i akumulatarny zavod, a ciapier uzialisia za baroka. Ź vieličnaha jezuickaha kalehiuma ŭ Pinsku źbirajucca źbić uvieś tynk — a jon byŭ raśpisany freskami
Kamientary