Ukraina siońnia źbiła 79 kryłatych rakiet z 84, ale nie maje čym źbivać balistyku
Rasija ŭnačy atakavała Ukrainu dronami i rakietami roznych typaŭ.

U noč na 20 listapada Rasija atakavała Ukrainu balistyčnymi rakietami «Iskander-M»/S-400, supraćkarabielnymi rakietami «Cyrkon», 84 kryłatymi rakietami pavietranaha i marskoha bazavańnia Ch-101, «Kalibr», «Iskander-K» i 404 udarnymi BPŁA typu Shahed (123 ź ich — reaktyŭnyja), «Hierbiera» i dronami-imitatarami. Siły SPA abiasškodzili 372 celi, paviedamlaje «Suśpilnie» sa spasyłkaj na Pavietranyja siły USU.
Balistyčnymi rakietami rasijanie bili z Rastoŭskaj, Branskaj i Kurskaj abłaściej RF, kryłatyja rakiety zapuskali z Vałahodskaj vobłaści i akvatoryi Čornaha mora, a drony — z roznych napramkaŭ.
Pavietrany napad adbivali avijacyja, zienitnyja rakietnyja vojski, padraździaleńni REB i bieśpiłotnych sistem, mabilnyja ahniavyja hrupy Sił abarony Ukrainy.
Pavodle papiarednich źviestak, pa stanie na 10:30, supraćpavietranaj abaronaj źbita/padaŭlena 372 celi:
- 3 balistyčnyja rakiety «Iskander-M»/S-400/«Cyrkon»;
- 79 kryłatych rakiet Ch-101, «Kalibr»;
- 380 varožych BPŁA typu Shahed (102 ź ich — reaktyŭnyja), «Hierbiera» i dronaŭ inšych typaŭ.
«Zafiksavana traplańnie rakiet i ŭdarnych BPŁA praciŭnika ŭ 23 łakacyjach, a taksama padzieńnie źbitych celaŭ (abłomkaŭ) u 10 łakacyjach. Ataka praciahvajecca, u pavietranaj prastory znachodziacca niekalki varožych BPŁA», — paviedamili ŭ Pavietranych siłach USU.
Rasija naniesła novy masiravany rakietny ŭdar, u Kijevie paškodžanyja try masty
Zialenski prapanavaŭ raźmiaścić amierykanskija i jeŭrapiejskija vojski va Ukrainie paśla zakančeńnia vajny
Rasijanie atakavali čyhunačnuju stancyju ŭ Lvovie: dvoje zahinułych, siem paranienych
Padčas rasijskaha ŭdaru pa Lvovie tam była biełaruskaja delehacyja
Kamientary