Vyznačyŭsia supiernik zbornaj Biełarusi ŭ stykavym matčy Lihi nacyj
Heta zbornaja Izraila.

U hrupavym turniry dyvizijona S futbolnaj Lihi nacyj zbornaja Biełarusi zaniała druhoje miesca i atrymała mahčymaść atrymać pavyšeńnie ŭ kłasie praz stykavyja matčy.
Ałbanija zaniała ŭ našaj hrupie pieršaje miesca i atrymała pramoje pavyšeńnie ŭ V, a družyny, što finišavali druhimi ŭ hrupach, majuć šaniec prabicca praz styki, losavańnie jakich prajšło siońnia ŭ Šviejcaryi.
Supiernikam zbornaj Biełarusi stała zbornaja Izraila.
Izrail hulaŭ u adnoj hrupie z Aŭstryjaj, Irłandyjej i Kosavam, zaniaŭ apošniaje miesca, zhulaŭšy čatyry matčy ŭničyju i dvojčy prajhraŭšy. U zbornaj 76‑ie miesca ŭ rejtynhu FIFA, u Biełarusi — 94-y.
Pieršy matč projdzie 25—27 sakavika na niejtralnym poli, dzie zbornaja Biełarusi vystupaje z 2022 hoda. Imavierna, što hulnia projdzie ŭ Vienhryi, dzie apošnim časam hulaje biełaruskaja zbornaja ci kłuby.
Matč u adkaz zapłanavany na 28—30 sakavika. Imavierna, taksama na niejtralnym poli.
6 śniežnia 2026 hoda ŭ Biełfaście projdzie losavańnie adboračnaha turniru da čempijanatu Jeŭropy pa futbole 2028 hoda.
Ciapier čytajuć
Prajektavali karoŭniki i akumulatarny zavod, a ciapier uzialisia za baroka. Ź vieličnaha jezuickaha kalehiuma ŭ Pinsku źbirajucca źbić uvieś tynk — a jon byŭ raśpisany freskami
Kamientary
[Zredahavana]