Urad Estonii pryniaŭ rašeńnie zakryć miažu z Rasijaj z 1 śniežnia. Ułady mohuć pierahledzieć rašeńnie ab zakryćci miažy z RF praz paŭhoda.

Pra miechanizm zakryćcia miažy raskazali siońnia na pres-kanfierencyi premjer-ministr Estonii Krysten Michał, ministr zamiežnych spraŭ Marhus Cachkna, ministr unutranych spraŭ Ihar Tara i ministr rehijanalnaha raźvićcia i sielskaj haspadarki Chiendryk Jochanies Teras, piša Delfi.ee.
Abmiežavańnie budzie dziejničać na ŭsich punktach propusku na estonska-rasijskaj aŭtamabilnaj miažy: Narva-1, Narva-2, Kojduła, Łuchamaa i Saatsie.
Praz šeść miesiacaŭ urad acenić, ci nieabchodna źmianiać uviedzienaje ŭ intaresach dziaržaŭnaj biaśpieki i dla zabieśpiačeńnia hramadskaha paradku abmiežavańnie.
Rašeńnie ŭrada datyčycca pieramiaščeńnia ludziej i transpartnych srodkaŭ praz aŭtamabilnyja punkty propusku. Čyhunačnyja hruzapieravozki buduć ažyćciaŭlacca ŭ adpaviednaści ź dziejnymi abmiežavańniami i najaŭnymi mahčymaściami, a taksama pad strohim mytnym kantrolem.
«Varožaja dziejnaść Rasii nie źmianšajecca. U Jeŭropie praktyčna nichto nie bačyć, kab Pucin źmianiŭ svaju pazicyju i chacieŭ by naładžvać kantakty ź inšymi ŭ pazityŭnym klučy», — zajaviŭ Michał.
Jon adznačyŭ, što da hetaha času Estonija reahavała na pavodziny Rasii strymana i ŭzvažana, ale situacyja nie palepšyłasia. Tamu siońnia kabiniet ministraŭ pryniaŭ rašeńnie ab zakryćci suchaputnaj miažy z RF z 7:00 1 śniežnia.
Kamientary