Dzień Voli: jak heta było

Łukašenkaŭcy ačapili centr horada, kab sarvać demanstracyju. Sotni ludziej sabralisia z kvietkami pa-pad ačeplenymi płoščaj Jakuba Kołasa i skvieram Janki Kupały. Heta pieršy Dzień Voli na našaj pamiaci, kab na vulicach uźniali tolki adzin bieł-čyrvona-bieły ściah.

Sotni sprabavali trapić z kvietkami da pomnikaŭ nacyjanalnych paetaŭ. Pakolki inicyjatary śviatkavańnia nie vyznačyli adzinaha miesca i času zboru, ludzi nie źbiralisia hramadoj. Maksimalnaja kancentracyja ludziej nazirałasia kala Fiłarmonii na płoščy Jakuba Kołasa. Tam zhurtavałasia kala dvuchsot čałaviek. Žyvy ščyt nie dazvoliŭ im pajści šeściem pa praśpiekcie. Ich vycisnuli nazad na płošču i zahnali ŭ padziamielny pierachod.

Narod zastrašany paślavybarčymi represijami. Kala Kołasa i Kupały nie było ŭźniata nivodnaha bieł-čyrvona-biełaha ściaha. Adziny ściah byŭ uźniaty na Kastryčnickaj płoščy, kali ludzi ŭžo razychodzilisia.

Adzin z aktyvistaŭ na płoščy Jakuba Kołasa razharnuŭ raściažku «Łukašenka nie prezident». Jaje vyrvali ŭ jaho z ruk. Ź jaho hrudziej sarvali bieł-čyrvona-biełuju stužačku.

Zatrymana, pavodle papiarednich źviestak, kala 70 čałaviek. 30 ź ich znachodzicca ŭ Savieckim RUUS. 20 čałaviek znachodziacca ŭ Centralnym RUUS.

20.10

Ludzi, što ruchalisia ad skvieru da płoščy Niezaležnaści, razharnuli na Kastryčnickaj płoščy bieł-čyrvona-bieły ściah. Na ich nakinulisia cichary. Ściah zabrali, a ludziej razahnali.

19.50

Niekalki dziasiatkaŭ ludziej vypravilisia z-pad Janki Kupały na płošču Niezaležnaści, dzie štoviečar kala Čyrvonaha kaścioła adbyvajucca malitvy za palitviaźniaŭ.

19.40

Moładź śpiavaje «Mahutny Boža». Kupała jaho čuje. Ź simvoliki kala skviera Janki Kupały — adzin bieł-čyrvona-bieły parason, jaki trymaje Maryja Fłarjanovič — charošaja žančyna siarednich hadoŭ. Jak tolki ludzi pačynajuć skandavać «Žyvie Biełaruś», da ich padskokvaje padpałkoŭnik Jaŭsiejeŭ.

19.23

Niekalki razoŭ praskandavali «Žyvie Biełaruś».

19.22

Kala skviera imia Janki Kupały student EHU Andruś Karpieka i studentka BDU Varvara Krasuckaja razdajuć kvietki supracoŭnikam milicyi i KDB u cyvilnym. Jany admaŭlajucca ich brać.

19.18

Niekatoryja kiroŭcy sihnalać, bačačy hramadu kala skviera Janki Kupały. Usiaho kala ŭvachodu sabrałasia niekalki socień čałaviek.

19.15

Bukiety kładuć na kłumbu kala ŭvachodu ŭ skvier Janki Kupały, bo ŭsiaredzinu nikoha nie zapuskajuć. Na ŭvachodzie, na hranitnych bardziurach lažać taksama razdrukoŭki z partretami Daškieviča i Łobava. Siarod inšych, kvietki ŭskłali Vital Rymašeŭski i Alaksiej Janukievič, Alaksiej Maračkin.

Nasta Pałažanka, adna z abvinavačanych pa spravie ab «biesparadkach», vinšuje ŭsich sa śviatam. Jana narakaje na pavodziny siłavych struktur, jakija nie dajuć biełarusam uskłaści kvietki da pomnika nacyjanalnamu paetu.

19.02

19.00

18.55

Asnoŭnuju masu ludziej vycisnuli z płoščy Jakuba Kołasa. Zastałosia niekalki čałaviek.

18.49

Kala ŭvachodu ŭ Kupałaŭski skvier zhrupavałasia niekalki dziasiatkaŭ aktyvistaŭ. Jany admaŭlajucca razychodzicca.

18.48

La stancyi mietro «Płošča Pieramohi» zatrymany čałaviek. Milicyjanty paviali jaho ŭ aporny punkt na stancyi.

18.42

Ludzi ŭ čornym adciskajuć ludziej nazad, na płošču Jakuba Kołasa, nie puskajučy ŭ centr. Usiaho na płoščy kala šaścidziesiaci aktyvistaŭ. Jašče sotnia staić za praśpiektam, kala Fiłarmonii.

18.40

Ludzi ŭ čornym pieraharadzili chodniki, nie puskajučy ludziej iści. Adzin z aktyvistaŭ razharnuŭ raściažku «Łukašenka nie prezident». Jaje vyrvali ŭ jaho z ruk. Ź jaho hrudziej sarvali bieł-čyrvona-biełuju stužačku.

18.35

Ludzi rušyli pa chodnikach u bok centru. Spyniŭsia aŭtobus, i prosta na tratuary byŭ zatrymany Siarhiej Chinievič, 1957 hoda naradžeńnia.

18.20

Na Jakuba Kołasa pierastaŭ spyniacca hramadski transpart — aŭtobusy i tramvai.

18.19

Śpiecnazaŭcy ŭ cyvilnym pačali zaklikać aktyvistaŭ i žurnalistaŭ pakinuć płošču Jakuba Kołasa. Na zaŭvahu, što žurnalisty vykonvajuć prafiesijnyja abaviazki, adzin z «cicharoŭ» adkazaŭ: «Nu i što? Budzie toje ž, što i na vybarach».

18.17

Siarod aktyvistaŭ na płoščy Jakuba Kołasa źjaviŭsia Valer Ščukin. «Milicyi ja tut nie baču. A chto hetyja ludzi ŭ čornym — nie viedaju», — iranizuje vieteran demakratyčnaha ruchu. Taksama miž pratestoŭcaŭ — pradprymalnicki lider Alaksandr Makajeŭ.

18.12

Asoby ŭ cyvilnym sprabavali pieraškodzić zdymać na płoščy Jakuba Kołasa žurnalistu rasijskaha kanała ORT. Jon zajaviŭ, što napiša na ich skarhu. Paśla hetaha śpiecsłužbisty ad jaho adčapilisia.

18.09

Jak paviedamili pravaabaroncy, u mietro byli zatrymanyja aktyvistki Kasia Dalidovič i Maryja Kviacinskaja. Taksama, pavodle infarmacyi Chartyi'97, zatrymany Viktar Ivaškievič.

18.03

Niekalki dziasiatkaŭ čałaviek sabralisia nasuprać płoščy Jakuba Kołasa — kala Fiłarmonii. Na płoščy ŭdzielnikaŭ śviatkavańnia niašmat. Siarod ich — Uładzimir Chalip, baćka Iryny Chalip. «Cichary» pieraškadžajuć pracavać žurnalistam: adciskajuć, zabaraniajuć zdymać.

17.59

Žančyna, jakuju milicyjanty nie puścili ŭ Kupałaŭski skvier, kinuła svaje bieł-čyrvona-biełyja kvietki ŭ Śvisłač. Jany płyvuć pa vadzie. Žančyna raspaviała, što milicyjanty, zaviartajučy jaje, skazali, što skvier pierakryty, bo la pomnika Kupału znajšli vybuchoŭku. Natyknuŭšysia na zabaronu ŭ Kupałaŭskim skviery, mnohija niasuć svaje kvietki da pomnika Bahdanoviču — na pastamiencie ŭžo lažyć bolš za dziasiatak bukietaŭ. Niasuć kvietki i da Drazdoviča ŭ Trajeckaje.

17.58

Zatrymali Mikołu Dziemidzienku, namieśnika staršyni «Maładoha frontu». Dva cichary schapili jaho pad ruki i pavałakli. Jon paśpieŭ kryknuć «Žyvie Biełaruś!»

17.51

Na płoščy Jakuba Kołasa troje ŭ cyvilnym zatrymali čałavieka na vychadzie ź mietro. Schapili i pavałakli.

17.40

Raptam sapsavałasia nadvorje. Paśla dzionnaha sonca ŭ centry Minsku pajšoŭ husty mokry śnieh.

17.35

Udałosia pačuć ź milicejskaj racyi na Jakuba Kołasa: «Rabotajem po priedvaritielnomu płanu. Prievientivnoje zadieržanije pri podchodie k płoščadi».

17.30

Płošča Jakuba Kołasa pakul nie pierakrytaja. Ale pierakrytyja vychady z padziemnych pierachodaŭ da jaje. Vyjści z płoščy možna, zajści na jaje nielha. Padziemnyja pierachody Ale na joj nazirajecca vialikaja kancentracyja milicyi i asobaŭ u cyvilnym. Taksama jany «špacyrujuć» pa dvoje ŭzdoŭž praśpiekta.

17.24

Jak paviedamlajuć NN čytačy, u centry Minska, u rajonie Kastryčnickaj płoščy,

niemahčyma dakupicca bieł-čyrvona-biełych kvietak

17.11

Ludzi ŭ čornym pieraškadžajuć pracavać žurnalistam, zabaraniajuć zdymać na fota i videa.

«Prychodźcie zdymać učora, zaŭtra, prychodźcie siońnia paśla vośmaj, ale zaraz zdymać nielha»

17.07

Kupałaŭski skvier całkam zakryty dla naviednikaŭ. Na ŭsich uvachodach staić milicyja i nie puskaje ludziej. U parku bačnyja milicejskija aŭtobusy. Na praśpiekcie z boku cyrka špacyrujuć ludzi ŭ čornym charakternaha vyhladu.

17.04

Kala płoščy Pieramohi, za Domam-muziejem RSDRP stajać piać aŭtazakaŭ i try vajskovyja mašyny dla pieravozki ludziej. Nasuprać, z druhoha boku praśpiekta, la ŭvachoda ŭ park imia Horkaha — piać śpiecaŭtobusaŭ z zaciemnienymi šybami.

• 0
• 0
• 0
• 0
• 0
• 0
• 0
• 0