Podpisy za viartańnie viernikam bernardynskaha manastyra z kaściołam źbiraje Mienskaja rymska‑katalickaja abščyna śviatoha Iosifa, zarehistravanaja ŭ Čyrvonym kaściole stalicy.
Podpisy za viartańnie viernikam bernardynskaha manastyra z kaściołam źbiraje Mienskaja rymska‑katalickaja abščyna śviatoha Iosifa, zarehistravanaja ŭ Čyrvonym kaściole stalicy.
Jak paviedamiła ŭ interviju ahienctvu BiełaPAN siabra kamitetu abščyny Ivona Macukievič, zbor podpisaŭ pačaŭsia 7 sakavika paśla taho, jak stała viadoma ab planach Mienskaha harvykankamu pieradać pomnik architektury baroka XVII stahodździa investaram dziela rekanstrukcyi i prystasavańnia pad hatelny kompleks i abjekty handlova‑bytavoha pryznačeńnia.
— Užo 13 sakavika my nakiravali zvaroty ź 773 podpisami prezydentu krainy, — kaža I. Macukievič, — a ciapier praciahvajem hetuju akcyju.
— Samaje strašnaje — kali ludziej padmanvajuć ułady, — zajaviła jana. — U traŭni minułaha hodu, jašče za niekalki dzion da rašeńnia Mienharvykankamu ab pieradačy śviatyni investaram, nas zapeŭnivali ŭ tym, što budynki buduć viernutyja viernikam.
Prychadžanin abščyny Aleś Bieły źviartaje ŭvahu na toje, što manastyr bernardyncaŭ, uźviedzieny na srodki dabračyncaŭ, a nie kazny, niezakonna kanfiskavali ŭ 1864 hodzie ŭłady Rasiejskaj imperyi paśla padaŭleńnia nacyjanalna‑vyzvalenčaha paŭstańnia suprać rasiejskaha caryzmu pad kiraŭnictvam Kastusia Kalinoŭskaha.
— I ŭ niezaležnaj Biełarusi treba było b admianić hetuju niespraviadlivaść, — kaža Bieły, — tym bolš što ŭ stalicy, dzie 30 katalickich abščynaŭ majuć tolki šeść chramaŭ, katastrafična nie chapaje kaściołaŭ.
Staršynia hramadzkaha abjadnańnia «Tavarystva biełaruskaj movy imia Franciška Skaryny» (TBM) Aleh Trusaŭ paviedamiŭ, što TBM taksama pačało zbor podpisaŭ za pieradaču viernikam budynkaŭ byłoha manastyra.
Zaraz u budynku byłoha chramu mieściacca archivy. Pačynajučy ź 19 sakavika 2004 hoda vierniki dvojčy ŭ dzień pravodziać maleńni kala budynku byłoha kaściołu. Viečaram 19 sakavika, u dzień śviatoha Iosifa, kala ścienaŭ byłoha chramu vierniki planujuć adznačyć druhuju hadavinu maleńniaŭ za viartańnie śviatyni.
Kamientary