Белы дом: ЗША не маюць намеру вяртаць расійскім бізнесменам арыштаваныя актывы
Пра тое, што ў намеры ЗША не ўваходзіць вяртанне арыштаваных актываў расійскім бізнэсменаў, паведаміў памочнік прэзідэнта ЗША па нацыянальнай бяспецы Джэйк Саліван.
«Наша мэта — не ў тым, каб вяртаць іх. Наша мэта — у тым, каб выкарыстоўваць іх лепш», — заявіў Саліван падчас выступлення ў Эканамічным клубе Вашынгтона.
Раней Кангрэс ЗША не змог прыняць закон, згодна з якім арыштаваныя актывы расійскага бізнэсу маглі б быць перададзеныя ўкраінскаму боку.
Саліван таксама адзначыў, што ЗША рыхтуюць новыя меры для барацьбы з ухіленнем Расіі ад санкцый, піша Reuters.
«На працягу найбліжэйшых дзён наша ўвага будзе засяроджаная на ўхіленні… Я думаю, што на працягу наступнага тыдня-двух мы будзем мець некаторыя паведамленні, якія вызначаць мэты, якія спрабуюць спрыяць гэтаму ўхіленню як унутры Расеі, так і за яе межамі», — сказаў ён.
Таксама Саліван сказаў, што любыя спробы Расіі сарваць пастаўкі зброі на карысць Украіны могуць абвастрыць супрацьстаянне з Захадам.
«Злучаныя Штаты не дзейнічаюць на тэрыторыі Украіны, таму, калі расіяне нанясуць удар па тэрыторыі НАТА, дзе збіраецца матэрыяльна-тэхнічная база, гэта будзе падставай для прымянення артыкула 5 і будзе поўнай зменай гульні», — сказаў ён.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары