Актывіст анархісцкага руху Аляксандар Францкевіч супакоіў маці паштоўкай, напісанай з атраду калёніі.
Тацяна Францкевіч, маці Аляксандра Францкевіча, атрымала пацьверджаньне таго, што Новы год і Раство сын сустракаў не ў карцэры, а ў атрадзе калёніі:
«Саша даслаў паштоўку зь віншаваньнямі з Новым годам і Раством, у якой напісаў, што ў яго ўсё быццам добра, усё нармальна. Напісаў, каб не хваляваліся. Вось такія галоўныя навіны».
Аляксандар Францкевіч за 3 дні да Новага году выйшаў з карцэру, дзе адбыў 10 дзён. Паводле маці Аляксандра Францкевіча, была пагроза, што ён правядзе ў карцэры і Новы год. Раней палітвязень некалькі разоў ужо трапляў у карцэр. Тацяна Францкевіч не выключае, што ціск на яе сына зьвязаны зь ягонай адмовай пісаць прашэньне аб памілаваньні.
Палітвязень Аляксандр Францкевіч адбывае ў івацэвіцкай калёніі пакараньне трыма гадамі зьняволеньня за ўдзел у нападах на шэраг афіцыйных будынкаў.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары