Беларусы ў Злучаных Штатах памятаюць сваю гісторыю, ушаноўваюць гістарычныя даты, асабліва ўгодкі абвешчання 25 сакавіка 1918 года незалежнасці Беларускай Народнай Рэспублікі. Сёлета гэты юбілей у амерыканскім горадзе Саўт-Рывер у штаце Нью-Джэрсі адбудзецца у суботу 23 сакавіка.
У гэты дзень на флагштоку каля будынка гістарычнага музею на Галоўнай вуліцы горада ўздымуцца два нацыянальныя сцягі: амерыканскі і беларускі бел-чырвона-белы. Будзе, як і штогод, зачытаная пракламацыя мэрам горада дня 25 сакавіка Днём Беларускай Незалежнасці.Удзел цырымоніі возьмуць прадстаўнікі гарадской управы, беларуска-амерыканскіх арганізацыяй, прыхаджане царквы св. Еўфрасінні Полацкай, а таксама прыватныя асобы. Пасля гэтага ў будынку Беларуска-Амерыканскага Цэнтра, што знаходзіцца побач з царквой св. Еўфрасінні, адбудзецца традыцыйны пачастунак гасцей з гутаркамі на беларуска-амерыканскія тэмы.
***
Глядзі таксама: Дзень Волі ў Саўт-Рыверы ў 2012 г.
- Саўт-Рывер -- горад у цэнтральнай частцы штата Нью-Джэрсі. Беларусы сталі перасяляцца сюды ў канцы ХІХ ст. Збеларусізаваўся Саўт-Рывер у пачатку 1950-х з перасяленнем у яго некалькіх дзясяткаў беларускіх эмігрантаў з лагероў для перамешчаных асоб у Нямеччыне. Беларусы заснавалі прыход св. Ефрасінні Полацкай у юрысдыкцыі канстанцінопальскага патрыярхата, збудавалі царкву, Беларуска-амерыканскі грамадскі цэнтр. У Саўт-Рыверы дзейнічалі, і дзейнічаюць зараз, некалькі грамадскіх і сацыяльных арганізацый. У рысе горада знаходзяцца асобныя беларускія могілкі.
- Актыўнае беларускае жыццё працягваецца ў гарадку і па сёння. 25 сакавіка 2012 г. у Саўт-Рыверы адзначылі Дзень Волі, узняццем нацыянальнага сцяга каля будынка гарадскога музея. У красавіку адзначалі Вялікадзень, у жніўні 2012 г. прайшоў традыцыйны Беларускі фестываль, а ў лістападзе беларусы адсвяткавалі 40-годдзе пабудовы царквы, а ў пачатку студзеня 2013 года -- Каляды
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома25
Каментары