Арыштаванага Вячаслава Сіўчыка, актывіста беларускага Майдану, везьлі на імітаваны расстрэл.
Арыштаванага Вячаслава Сіўчыка, актывіста беларускага Майдану, везьлі на імітаваны расстрэл.
«Зь яго зьдзекваліся, моцна зьбілі ды імітавалі пакараньне сьмерцю,» – распавядае брат Вячаслава.
Вячаслаў Сіўчык быў арыштаваны 23-га перад штурмам намётавага гарадку – з дапамогай правакацыі.
Яму патэлефанавалі быццам бы з амэрыканскае амбасады і прапанавалі сустрэцца. «Я хацеў быў папрасіць амэрыканскага амбасадара, каб тэрмінова ўвялі санкцыі супраць Расеі. Расея падтрымлівае парушэньне правоў чалавека ў Беларусі і ўсяляк абараняе рэжым,» – сказаў Вячаслаў Сіўчык.
За Вячаславам пад’ехала машына з дыпляматычнымі нумарамі. Каля вуліцы Інтэрнацыянальнай людзі ў масках спынілі аўто, схапілі Вячаслава і закінулі ў нейкую машыну. «Мы павязем цябе на расстрэл,» – сказалі Вячаславу. «Махалі пісталетам каля патыліцы. Машына езьдзіла даволі доўга па горадзе. Але потым мяне прывезьлі на Акрэсьціна» – сказаў Вячаслаў.
Перад гэтым арыштавалі састарэлую маці Сіўчыка, у якой здарыўся сардэчны прыступ – і яе былі вымушаныя адпусьціць.
Зараз Вячаслаў Сіўчык знаходзіцца ў трэцяй клінічнай больніцы ў хірургічным аддзяленьні. Ён моцна зьбіты.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары