Былы старшыня Гомельскага аблвыканкама Мікалай Вайцянкоў памёр 22 красавіка на 67-м годзе жыцця. Гомельскім аблвыканкамам ён кіраваў у 1989—1995 і 1997—2001. У 1995—1997 быў паслом у Чэхіі, у 2001—2009 — паслом па асаблівых даручэннях.
Гэтага сціплага чыноўніка на Гомельшчыне любілі. Пасля Чарнобыля ён быў сярод тых, хто рабіў усё, каб абараняць людзей ад дурных загадаў з Масквы і Мінска. Тысячы людзей яму за гэта асабіста ўдзячныя. Ён асабіста арганізоўваў побыт многіх высяленцаў, лячэнне дзясяткаў хворых.
Ягонай заслугай было стварэнне ў Гомелі Цэнтра радыяцыйнай медыцыны, ёсць доля ягонай заслугі ў адкрыцці помніка Францішку Скарыну ў Празе.
Добрая памяць пра яго захаваецца на ягонай малой радзіме — у вёсця Балотня Рагачоўскага раёна. Пахавалі Мікалая Вайцянкова на Паўднёвых-2 могілках пад Гомелем.
Цяпер чытаюць
Арыштаваны міністр прыродных рэсурсаў выбраў «стратэгію Брыло»2
Арыштаваны міністр прыродных рэсурсаў выбраў «стратэгію Брыло»
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»2020
Каментары