Стакгольмская паліцыя просіць дапамогі — беспарадкі працягваюцца пяты дзень
Улады паведамілі, што моладзь у бедных прыгарадах зноў падпальвае аўтамабілі, разбурае будынкі і кідае камяні ў паліцыянтаў.
У ноч на пятніцу ў раёнах на паўночным і паўднёвым усходзе Стакгольма хуліганы працягвалі біць шкло ў дамах і крамах. Пажарным давялося тушыць агонь у двух школах, заліваць пенай смеццевыя кантэйнеры і 15 падпаленых аўтамабіляў.
Было арыштавана восем чалавек. Прадстаўнік паліцыі К’ел Ліндгрэн заявіў, што ў пачатку тыдня пратэстоўцы вялі сябе больш агрэсіўна. «Цяпер усё не так маштабна і трохі цішэй», — сказаў ён.
Паводле яго слоў, паліцыя плануе даслаць у Стакгольм дадатковыя сілы з іншых раёнаў краіны напярэдадні прызначаных на гэтыя выходныя футбольных матчаў і дня нараджэння прынцэсы Мадлен 8 чэрвеня.
Беспарадкі ўспыхнулі ў мінулыя выхадныя ў бедных кварталах Стакгольма — у асноўным у прыгарадах шведскай сталіцы, дзе жывуць імігранты. На мінулым тыдні там быў застрэлены мужчына.
Затым беспарадкі перакінуліся на іншыя раёны. Пратэстоўцы сталі кідаць у паліцыянтаў камяні і ладзіць падпалы. Пры гэтым падпальваюцца машыны зусім не дарагіх марак, а невялікія фургоны, на якіх працуюць дробныя прадпрымальнікі.
Паліцыя ўстрымліваецца ад прымянення сілы. Было прынята рашэнне паспрабаваць вырашыць крызіс, звярнуўшыся да лідараў суполак, у тым ліку і да рэлігійных лідараў.
-
«Не разумею, чаго яны хочуць дамагчыся». Прэм'ер-міністр Даніі раскрытыкавала Фінляндыю і Нарвегію за званок Пуціну
-
Прайшла першая тэлефонная размова з Пуціным магчымых еўрапейскіх прадстаўнікоў на мірных перамовах з Расіяй
-
Еўрапейскія краіны з найбуйнейшымі абароннымі бюджэтамі назвалі Расію галоўнай пагрозай бяспецы і паабяцалі падтрымліваць Украіну
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Адданага ябацьку, які абражаў Святлану Ціханоўскую ў Threads, кінулі за краты
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1414
Каментары