Беларуска-літоўскі форум рэгіянальнага супрацоўніцтва пройдзе 28—29 мая ў Літве
Другі беларуска-літоўскі форум рэгіянальнага супрацоўніцтва пройдзе 28—29 мая ў Друскінінкаі і Алітусе.
Як паведамляе прэс-служба МЗС Беларусі, у працы форуму плануецца ўдзел больш чым 200 беларускіх і літоўскіх прадстаўнікоў. Ад Беларусі ў мерапрыемстве возьмуць удзел дэлегацыі ўсіх абласцей і Мінска.
Праграмай форуму прадугледжана правядзенне пленарнага пасяджэння, а таксама секцыйных пасяджэнняў па канкрэтных кірунках развіцця беларуска-літоўскага міжрэгіянальнага супрацоўніцтва.
Акрамя таго, 28 мая ў Вільнюсе адбудзецца 16-е пасяджэнне двухбаковай беларуска-літоўскай камісіі па гандлёвым і эканамічным супрацоўніцтве.
Беларускую дэлегацыю на пасяджэнні камісіі ўзначаліць намеснік міністра замежных спраў Аляксандр Гур'янаў, літоўскую — віцэ-міністр эканомікі Кястуціс Трачыёкас.
У склад беларускай дэлегацыі ўвойдуць прадстаўнікі Міністэрства эканомікі, Міністэрства прамысловасці, Міністэрства энергетыкі, Міністэрства прыродных рэсурсаў і аховы навакольнага асяроддзя, Міністэрства транспарту і камунікацый, Дзяржаўнага мытнага камітэта.
У рамках пасяджэння камісіі плануецца абмеркаваць стан і перспектывы далейшага пашырэння двухбаковых сувязей у сферах гандлю, інвестыцыйнага супрацоўніцтва, прамысловай кааперацыі, транспарту і транзіту, энергетыкі, аховы навакольнага асяроддзя, прыгранічнага ўзаемадзеяння.
Цяпер чытаюць
Рыта Дакота ўпершыню распавяла, за што беларускія сілавікі схапілі яе маці ў 2022 годзе10
Каментары