Прэзідэнт — старшыня праўлення ААТ «Сбербанк Расіі» Герман Грэф не выключае, што беларускаму боку ў сувязі з сітуацыяй на калійным рынку можа спатрэбіцца рэфінансаванне трохгадовага расійскага крэдыту «Беларуськалію» на суму $1 млрд.
Гэта здагадку ён выказаў сёння журналістам у Мінску, паведамляе БелТА.
Адказваючы на пытанне, ці звяртаўся беларускі бок па рэфінансаванне або змяненне умоваў па крэдыце «Беларуськалія», Герман Грэф адзначыў: «Пакуль не, але сітуацыя на калійным рынку няпростая, таму будзем глядзець, як будуць развівацца падзеі».
Такім чынам, ён фактычна не выключыў магчымасці таго, што беларускаму боку спатрэбіцца рэфінансаванне гэтага крэдыту.
Трохгадовы крэдыт ад Sberbank CIB на $1 млрд «Беларуськалій» прыцягнуў пад гарантыі ўрада Беларусі ў кастрычніку 2012 года для рэфінансавання брыдж-крэдыту, узятага ў 2011 годзе для фінансавай стабілізацыі ў краіне пад заклад 51% акцый ААТ «Нафтан».
Рэфінансаваны быў прыцягнуты «Беларуськаліем» у канцы 2011 года сіндыкаваны брыдж-крэдыт Сбербанка Расіі і ЕАБР (доля Сбербанка $900 млн.) тэрмінам на 1 год на суму $1 млрд. Сродкі сіндыкаванага крэдыту былі ўключаны ў склад золатавалютных рэзерваў Беларусі шляхам выпуску доўгатэрміновых дзяржаўных папер на $800 млн., якія выкупіў «Беларуськалій». Астатнюю частку крэдыту кампанія прадала на біржы па ініцыятыве Нацбанка.
На фота: падпісанне Групай Сбербанка мемарандумаў аб супрацоўніцтве з найбуйнейшымі кліентамі БПС-Сбербанка ў цэнтральным апараце ААТ «БПС-Сбербанк» па адрасе: бульвар імя Мулявіна, 6.
Падпісвалі — старшыня праўлення ААТ «Сбербанк Расіі» Герман Грэф, у цэнтры, старшыня праўлення ААТ «БПС-Сбербанк» Васіль Мацюшэўскі (справа), генеральны дырэктар ААТ Мазырскі НПЗ Анатоль Купрыянаў.
Мемарандум вызначае рамкі супрацоўніцтва ў фінансаванні інвестыцыйнага праекта «Будаўніцтва комплексу гідракрэкінгу цяжкіх нафтавых рэшткаў ў ААТ Мазырскі НПЗ» на суму да 350 млн еўра, а таксама фінансаванне кіруючай кампаніі холдынгу Белаз-Холдынг на суму 300 млн еўра.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку44
Каментары