У Іране вызвалены 11 палітычных вязняў. Восем з іх жанчыны.
Праз некалькі дзён новы прэзідэнт Ірана Хасан Раўхані прыбудзе ў Нью-Ёрк на пасяджэнне Генеральнай асамблеі ААН.
Сярод вызваленых жанчын-палітвязняў найбольшай вядомасцю карыстаецца адвакат Насрын Сатудэ.
Яе муж пацвердзіў паведамленні пра вызваленне.
Насрын Сатудэ была прысуджаная да шасці гадоў зняволення як чалавек, які ўяўляе пагрозу нацыянальнай бяспецы. Яна бараніла асуджаных за іранскую Плошчу-2009.
Падчас сваёй перадвыбарнай кампаніі Хасан Раўхані абяцаў вызваліць усіх палітвязняў.
Каментары