У інтэрнэце з'явілася чарговае паклёпніцкае відэа пра Беларускую асацыяцыю журналістаў
8-хвілінны ролік выраблены ў жанры міні-фільмаў БТ. У ім ачарняецца кіраўніцтва арганізацыі і ўся беларуская незалежная журналістыка.
Мяркуючы па тым, хто і ў якім кантэксце фігуруе ў фільме, яго пачалі вырабляць год ці паўтара назад, калі ўлады разгарнулі прапагандысцкую кампанію супраць Беларускай асацыяцыі журналістаў (БАЖ). Тады ЕС разглядала магчымасць увядзення новых санкцый супраць лукашэнкаўцаў, а яны пагражалі адпомсціць у адказ атакай на БАЖ і свабодныя СМІ.
У прыватнасці, у фільме цытуецца кіраўніцтва БАЖ, якім яно было да апошняга з'езда арганізацыі, а таксама робяцца спробы справакаваць раскол у арганізацыі.
Відаць, заказчыку фільма стужка тады ўрэшце так і не спатрэбілася. Цяпер жа яе дапрацавалі і выставілі ў інтэрнэт, каб дабро не прападала.
БАЖ аб'ядноўвае паўтары тысячы журналістаў з самых розных СМІ. Арганізацыя абараняе іх інтарэсы і адстойвае прынцыпы свабоды слова. У краіне існуе таксама афіцыёзны Беларускі саюз журналістаў, падкантрольны ўладам.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары