Галоўны трэнер каманды «Смалявічы-СТІ» (клуб, што выступае ў першай лізе футбольнага чэмпіянату) Юрый Пунтус сёння напісаў заяву пра сыход з клуба.
«Нічога каментаваць не хочацца. Скажу толькі, што, сапраўды, напісаў заяву аб звальненні сённяшняй датай. Працоўная кніжка ў мяне ўжо на руках, адзінае, разліку са мной яшчэ не зрабілі», — растлумачыў Football.by Юрый Пунтус.
У нядзелю «Смалявічы» ў матчы 26-га тура першай лігі дома разгромна прайгралі светлагорскаму «Хіміку» з лікам 1:6. Клуб займае восьмае месца ў турнірнай табліцы.
Юрый Пунтус быў першым трэнерам барысаўскага БАТЭ (1996—2004), з камандай здабыў два золаты нацыянальнага чэмпіянату, затым перайшоў у МТЗ-РІПА, які ў сезоне 2004 ледзь выратаваўся ад вылету ў ніжэйшы дывізіён, а налета з Пунтусам заваяваў бронзу і Кубак Беларусі.
У 2009—2011 гг. трэніраваў «Дынама» Брэст, адкуль быў звольнены пасля няўдалага старту ў сезоне 2011 г. Узначаліў «Смалявічы», якія вывеў з другой у першую лігу.
Цяпер чытаюць
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну3
Каментары