Дзеянні падазраваных кваліфікаваныя як ухіленне ад выплаты мытных плацяжоў у буйным памеры.
Следчы камітэт расследуе крымінальную справу ў дачыненні да службовых асоб замежнага прадпрыемства «Клініка «Новы зрок». Аб гэтым БЕЛТА паведамілі ў аддзеле інфармацыі і сувязі з грамадскасцю СК.
Крымінальная справа распачатая Генпракуратурай па матэрыялах упраўлення па раскрыцці цяжкіх эканамічных злачынстваў ГУУС Мінгарвыканкама.
«Высветлена, што дырэктар, галоўны бухгалтар і іншыя службовыя асобы дадзенага прадпрыемства на працягу некалькіх апошніх гадоў пры ўвозе на тэрыторыю Беларусі медыцынскіх тавараў і тавараў медыцынскага прызначэння для камерцыйных мэтаў ухіліліся ад выплаты мытных плацяжоў у буйным памеры.
Дзеянні падазраваных кваліфікаваныя як ухіленне ад выплаты мытных плацяжоў у буйным памеры, учынены групай асоб па папярэдняй змове», — распавялі ў СК.
У цяперашні час следства высвятляе ўсе акалічнасці супрацьпраўнай дзейнасці службовых асоб. Адбіраецца медыцынскае абсталяванне, якое мае дачыненне да справы, з мэтай ўстанаўлення яго паходжання і адпаведнасці патрабаванням заканадаўства Беларусі.
Губазікі спынілі аўто ў Брэсце, кіроўца спрабаваў уцячы і наехаў на аднаго з іх1
Каментары