Беларусь сустрэне праваслаўныя Каляды без моцных маразоў і снегу, паведаміла галоўны сіноптык Рэспубліканскага гідраметэацэнтра Людміла Парашчук.
Паводле яе слоў, 2013 год завяршыўся анамальна цёплым надвор'ем — сярэднесутачная тэмпература паветра на 5-10 градусаў перавысіла кліматычную норму, характэрную для гэтага часу года. Студзень падхапіў гэту сумнеўную эстафету.
Паводле яе слоў, у бліжэйшыя дні (3-5 студзеня) з паўднёвых шырот на тэрыторыю краіны пачне паступаць вільготная і не па-зімоваму цёплая паветраная маса. У многіх раёнах прагназуюцца ападкі ў выглядзе дажджу і мокрага снегу.
У суботу і нядзелю дзённы тэмпературны рэжым на большай частцы тэрыторыі Беларусі пяройдзе на станоўчыя значэнні — ад 0 да плюс 5 градусаў, у нядзелю па паўднёвым захадзе месцамі чакаецца да 7 градусаў цяпла.
У пачатку наступнага тыдня (напярэдадні і на праваслаўныя Каляды) рэзкіх змяненняў у характары атмасферных працэсаў не адбудзецца.
Глыбокі і магутны атлантычны цыклон, які атабарыцца паблізу паўночнага ўзбярэжжа Брытанскіх выспаў, пачне выносіць цяпло з Атлантыкі, Пірэнэйскага паўвострава і даставіць яго на тэрыторыю Беларусі.
«У выніку снежны кілім у большасці рэгіёнаў так і не ўсталюецца, ападкі будуць у асноўным у выглядзе дажджу.
Таму пра санкі і лыжы на калядныя святы беларусам прыйдзецца забыцца, — дадала Людміла Парашчук. — Пры гэтым тэмпературны фон істотна не зменіцца».
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам10
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары