Украіна дамовілася з Расеяй пра «атамны» крэдыт у шэсць мільярдаў даляраў
Украінскія ўлады дамовіліся аб атрыманні ў выпадку неабходнасці крэдыту ў памеры шасці мільярдаў даляраў у расійскіх камерцыйных банках.
Аб гэтым паведамляецца ў прэс-рэлізе ўкраінскага Мінэканамразвіцця.
У паведамленні прыводзяцца словы упаўнаважанага па пытаннях супрацоўніцтва з РФ і СНД Валерыя Мунціяна. Ён заявіў, што інвестыцыі спатрэбяцца на арганізацыю вытворчасці ядзернага паліва; таксама прапануецца падрыхтаваць прапановы па будаўніцтве трэцяга і чацвёртага энергаблокаў Хмяльніцкай АЭС. Стаўка, па якой плануецца прыцягваць сродкі, калі з'явіцца такая неабходнасць, не ўдакладняецца.
Кіеў планаваў папрасіць у расійскіх банкаў пазыку на будаванне атамнай станцыі ў Няцешыне (Хмельніцкая вобласць) яшчэ некалькі гадоў таму. У прыватнасці, у лютым 2011 года прэзідэнт краіны Віктар Януковіч даручаў падрыхтаваць неабходныя дакументы для атрымання крэдыту ў Ашчадбанку; сума пазыкі тады не называлася. У 2010 годзе Уладзімір Пуцін, які займаў тады пасаду прэм'ер-міністра РФ, заяўляў, што Расея гатовая даць 5-6 мільярдаў даляраў у крэдыт на развіццё атамнай энергетыкі на Украіне.
У гэтым годзе Масква ўжо дала крэдыт Кіеву. У канцы снежня Расія за кошт сродкаў з Фонду нацыянальнага дабрабыту набыла суверэнныя аблігацыі Украіны на суму ў тры мільярды даляраў. Бонды наміналам у 200 тысяч даляраў і купоны «пяць працэнтаў» былі размешчаны на Ірландскай фондавай біржы. Усяго Масква паабяцала даць крэдыт на 15 мільярдаў даляраў.
«Больш за ўсё паскудстваў прычыняе яўрэёныш». Дзіцячая доктарка з Мінска шакавала антысеміцкімі выказваннямі36
Каментары