9 кастрычніка ўключылі ацяпленне ў шэрагу сацыяльных устаноў, лазьнях, басэйнах, пасольствах, а таксама ў менскім заапарку. Уключыць ацяпленьне ў кватэрах беларусаў пакуль не дазваляе нарматыў: на вуліцы на 0,6 градусаў цяплей, чым трэба.
У Мінску з сённяшняга дня ўключана ацяпленне ў шэрагу сацыяльных устаноў. Адпаведнае распараджэнне падпісаў старшыня Мінгарвыканкама Міхаіл Паўлаў.
Цяпло паступіла ў дзіцячыя дашкольныя ўстановы, школы, лячэбна‑прафілактычныя ўстановы, дзіцячыя дамы, спальныя карпусы школ‑інтэрнатаў. Акрамя таго, ацяпленне ўключана ў інтэрнатах прафесійна‑тэхнічных вучылішч, у дамах састарэлых, агульнадаступных лазнях, басейнах, установах адукацыі «Беларускі дзяржаўны харэаграфічны каледж», «Мінскае дзяржаўнае музычнае вучылішча імя М.І.Глінкі», ва ўстановах дыпламатычных прадстаўніцтваў, архівах, музеях, бібліятэках, а таксама ў Мінскім заапарку.
Згодна з распараджэннем старшыні гарвыканкама, уключэнне ацяплення будуць праводзіць па ўзгадненню з цеплазабеспячальнымі арганізацыямі пры наяўнасці пашпартоў гатоўнасці. На час уключэння ацяплення кіраўнікам устаноў даручана арганізаваць дзяжурства персаналу.
У Беларусі ўключэнне ацяплення ў жылым сектары можа пачацца на наступным тыдні. Аб гэтым паведаміў вядучы інжынер прадпрыемства «АДУ» ДВА «Белэнерга» Уладзімір Кардуба.
Рашэнне аб уключэнні ацяплення прымаюць мясцовыя органы ўлады зыходзячы з тэмпературы знадворнага паветра — на працягу пяці сутак сярэдняя тэмпература павінна быць 8 градусаў цяпла і ніжэй. Пакуль яна не дасягнула такой адзнакі і ў пачатку бягучага тыдня склала 8,6 градуса. Аднак да канца тыдня яна можа панізіцца, і пачнецца паэтапнае ўключэнне ацяплення ў дамах. На аб’ектах сацыяльнай сферы гэта адбудзецца раней.
Штогод у Беларусі выпрацоўваецца каля 70 млн. Гкал цеплавой энергіі. У тым ліку 35,6 млн. Гкал — крыніцамі «Белэнерга».
Уладзімір Кардуба адзначыў, што да новага ацяпляльнага сезона ёсць неабходныя запасы паліва. Напрыклад, топачнага мазуту — больш за 427 тыс.т пры плане на 1 кастрычніка 400 тыс.т. Выканана заданне і па запасе дроў — 67 тыс.т.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА79
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары