Сваячкі загінулых расійскіх вайскоўцаў усё часцей скардзяцца на нявыплату кампенсацый
Сваячкі загінулых расійскіх вайскоўцаў сцвярджаюць, што салдат нярэдка афармляюць як зніклых без вестак або дэзерціраў, з-за чаго сем’і не могуць атрымаць належныя кампенсацыі.
Сваячкі расійскіх вайскоўцаў усё часцей скардзяцца на нявыплату кампенсацый за загінулых на вайне.
Жонкі і маці расійскіх вайскоўцаў усё часцей пішуць у сацыяльных сетках пра праблемы з атрыманнем выплатаў за загінулых на вайне супраць Украіны. Паведамленні публікуюцца ў чатах і суполках, звязаных з праўладнымі арганізацыямі, дзе сваякі спрабуюць дамагчыся дапамогі ад уладаў. Bild прааналізаваў дзясяткі тысяч паведамленняў ад сем’яў салдат за апошнія шэсць месяцаў.
Сваячкі загінулых расійскіх вайскоўцаў сцвярджаюць, што салдат нярэдка афармляюць як зніклых без вестак або дэзерціраў, з-за чаго сем’і не могуць атрымаць належныя кампенсацыі.
«Пракуратура не прыкладае ніякіх намаганняў. Мы тэлефанавалі ўсюды, але неабходныя дакументы часта прыходзяць толькі праз год», — напісала адна з жанчын у сярэдзіне сакавіка 2026 года.
Паводле дзеючых правілаў, у выпадку гібелі вайскоўца сваякам павінны выплаціць больш за 13 млн рублёў (больш за $150 тысяч даляраў) з федэральнага бюджэту, а таксама дадатковыя сумы з рэгіёнаў. Аднак выплаты магчымыя толькі пасля афіцыйнага пацверджання смерці.
Сваячкі адзначаюць, што афармленне дакументаў зацягваецца на месяцы і гады, а ў некаторых выпадках у даведках пішуць «нявызначаную прычыну смерці» або не звязваюць гібель з баявымі дзеяннямі.
«Ніякай кампенсацыі за смерць, ніякай выплаты за раненні. У пасведчанні проста пазначана: «Прычына смерці невядомая», — піша ў сацсетках іншая жанчына.
Расійскія незалежныя выданні раней паведамлялі, што ў арміі распаўсюджана практыка лічыць загінулых зніклымі без вестак, калі цела не ўдалося эвакуяваць з поля бою. У такіх выпадках сваякам даводзіцца звяртацца ў суд, каб прызнаць вайскоўца загінулым, паколькі без гэтага кампенсацыі не выплачваюцца.
Цікава, што ў Расіі ўзнік нават феномен «чорных удоў» — так называюць жанчын, якія з карыслівых меркаванняў спяшаюцца ажаніцца з салдатамі, каб у выпадку іх смерці атрымаць вялікія выплаты.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве4
Каментары