Выйшла Беларуская каляровая чытанка для самых маленькіх
«Чытанка для маленькіх» ужо з’явілася ў кнігарнях Мінска і інтэрнэт-крамах. Яна выйшла ў выдавецтве «Кнігазбор» на замову МГА «ЗБС «Бацькаўшчына» і стала працягам серыі Саюза беларускіх пісьменнікаў «Каляровы ровар».
У «Чытанцы» сабраныя як народныя, так і аўтарскія вершы і казкі, калыханкі і гульнёвыя прыпеўкі для дзетак да трох гадоў. Укладальнікі кнігі — вядомыя знаўцы беларускай мовы Вінцук Вячорка і Пётра Садоўскі.
Мастачка Святлана Канькова-Дударэнка зрабіла ілюстрацыі — яскравыя, разнастайныя, душэўныя. Не трэба хвалявацца, што дзеткі «зачытаюць кніжку ўшчэнт»: чытанка выдадзеная на шчыльнай крэйдавай паперы і мае цвёрдую вокладку.
«Чытанку для маленькіх» ужо можна набыць у наступных кнігарнях Мінска:
«Акадэмкніга», пр-т Незалежнасці, 72
«Кнігарня Ў», пр-т Незалежнасці, 37А
«Кніжны салон», вул. Калініна, 5
«Кнігарня пісьменніка», вул. Казлова, 2
«Веды», вул. К.Маркса, 36
«Светач», пр-т Пераможцаў, 11
«Цэнтральны кніжны», пр-т Незалежнасці, 19
«Кнігі & кніжачкі», пр-т Незалежнасці, 14
Кніжная выстава-кірмаш «Мир книг», вул. Янкі Купалы, 27
Таксама чытанку можна замовіць у інтэрнат-крамах knihi.by і prastora.by.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»10
Каментары