У Брэсце салдат тэрміновай службы са штык-нажом напаў на прадаўшчыцу.
Пра гэта паведаміла старшы інспектар аддзялення інфармацыі і грамадскіх сувязяў Дэпартамента аховы МУС Алена Ярмалінская.
Інцыдэнт адбыўся 19 студзеня ў 23.05 у краме на вуліцы Ковельскай.
Прадаўшчыца патлумачыла супрацоўнікам дэпартамента аховы, якія прыбылі на месца здарэння, што невядомы хлопец у бруднай вопратцы зайшоў у гандлёвую залу, хутка і неахайна стаў складваць прадукты і алкаголь у пакеты.
Калі жанчына пацікавілася, ці ёсць у пакупніка грошы, ён накінуўся на яе. Зламыснік нанёс ёй пранікальнае нажавое раненне грудной клеткі, рэзаныя раны тулава, шыі, галавы, зламаў руку і збег.
У выніку хлопец быў затрыманы супрацоўнікамі міліцыі ў закінутым доме на вуліцы Вузкай. «Штык-нож быў схаваны за блокам, а падазраваны нават не спрабаваў аказаць супраціў», — растлумачылі БелТА ў дэпартаменце.
Пазней стала вядома, што гэта жыхар горада Пінска, вайсковец тэрміновай службы, 17 студзеня самавольна пакінуў вайсковую частку. У дачыненні да затрыманага заведзена крымінальная справа па ч.1 арт.14, п.12 ч.2 арт.139, ч.1 арт.207.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю3939
Каментары