Літоўскі мытны дэпартамент аб'явіў, што з 14 лютага на ўсіх памежных пастах у вадзіцеляў вялікагрузных машын могуць патрабаваць пісьмова дэклараваць гаручае ў баках машын, якое завозіцца.
У памятцы для вадзіцеляў нагадваецца, што на бясплатных бланках трэба ўказваць не толькі паказанні адометра, але і ўмяшчальнасць бака, разнавіднасць гаручага (за выключэннем газу) і яго колькасць.
Другі асобнік гэтай дэкларацыі, пацверджаны мытняй, вадзіцель павінен будзе захоўваць на працягу ўсёй паездкі, пакуль у машыне будзе гаручае, завезенае ў Літву на льготных умовах.
«Нагадаем, што завезенае ў ЛР гаручае ў паліўных баках не можа выкарыстоўвацца ў іншых транспартных сродках і не можа злівацца з бака і складавацца за выключэннем выпадкаў рамонту (пра гэта трэба неадкладна інфармаваць бліжэйшае мытнае аддзяленне); гаручае нельга нікому перадаваць ні за плату, ні бясплатна», — сказана ў памятцы.
Мытня нагадвае, што несанкцыянаванае зліванне гаручага і незаконны гандаль завезеным гаручым у баках забароненыя законам.
Прэм'ер-міністр Літвы Альгірдас Буткявічус выступіў з ідэяй абмежавання ўвозу гаручага ў паліўных баках вялікагрузных машын, аднак рашэнне пакуль не прынята. Гэтыя дзеянні павінны спыніць ценевы гандаль гаручым з Расіі і Беларусі.
«Не можа быць так, што, паводле наяўнай інфармацыі, у суткі з Беларусі завозяць больш за 1 млн літраў. Або яго павінны ўлічваць і бачыць, куды яно ідзе і як выкарыстоўваецца. Магу сказаць, што толькі летась закрылі 70 нелегальных заправак. <…> З такой сітуацыяй у Літве я мірыцца не буду», — сказаў LRT 11 лютага Буткявічус.
Гэтай ідэі працівіцца Літоўская нацыянальная асацыяцыя перавозчыкаў Linava. Па яе ініцыятыве 10 лютага кіраўнікі Міжнароднага саюза аўтамабільнага транспарту (IRU), Асацыяцый перавозчыкаў трох балтыйскіх краін і Польшчы вырашылі звярнуцца да ўрада Літвы і суседніх краін з просьбай адклікаць планы ў сувязі з абмежаваннем увозу гаручага ў стандартных баках цягачоў з Расіі і Беларусі.
Як указана ў прынятай рэзалюцыі, такі крок можа дыскрымінаваць перавозчыкаў ЕС на фоне іх канкурэнтаў з Усходу. Гэта дзеянне таксама можа выклікаць пагрозу для зладжанага транзіту транспарту еўрапейскіх кампаній на Усход.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро6
Каментары