Экс-прэм'ер Украіны Юлія Цімашэнка заяўляе, што Уладзімір Пуцін, калі абвяшчае вайну Украіне, абвяшчае яе таксама ЗША і Вялікабрытаніі.
Пра гэта гаворыцца ў яе звароце да ўкраінцаў.
«Уладзімір Пуцін добра разумее, што, абвяшчаючы вайну нам, ён абвяшчае яе ў тым ліку і гарантам нашай бяспекі, а менавіта ЗША і Вялікабрытаніі. Я хачу вам цвёрда сказаць: я не веру, што Расія пераступіць гэтую рысу, а калі пераступіць, то дакладна прайграе», — падкрэсліла Цімашэнка.
Яна заклікала людзей да спакою.
«Але ўжо сёння відавочна, што калі б раней Украіна ўступіла ў НАТО, то такая агрэсія была б у прынцыпе немагчымая», — падкрэсліла яна.
«Нам нельга сеяць паніку і нестабільнасць у нашай уласнай краіне. Гэта тое, чаго хоча агрэсар. Наша галоўная зброя сёння — гэта менавіта спакой», — падкрэсліла Цімашэнка.
«Расія не пойдзе на ўзброеную вайну з усім светам, і таму сёння ідзе не вайна зброі, а вайна нерваў і інтэлекту. Мы павінныя выйграць гэтую вайну, і мы яе выйграем», — адзначыла яна.
Цімашэнка таксама заклікала ўкраінцаў «ні пры якіх абставінах не падтрымліваць фальшывыя мітынгі ва ўсходніх рэгіёнах і ў Крыме, не прыходзьце на іх, таму што гэта сёння зброя агрэсара».
Яна нагадала, што «агрэсары выкарыстоўваюць для дэстабілізацыі і захопу Украіны фальшывыя мітынгі ва ўсходніх рэгіёнах і Крыме, якія, дарэчы, арганізуюцца і кіруюцца спецслужбамі Расійскай Федэрацыі».
Цяпер чытаюць
Былы міністр культуры Руслан Чарнецкі знайшоў сабе падпрацоўку8
Каментары