На жыхара Брэста, які 3-4 чэрвеня прасядзеў на 36-метровай асвятляльнай апоры на гомельскім чыгуначным вакзале 15 гадзін, супрацоўнікамі АУС на транспарце складзены адміністрацыйны пратакол па артыкуле 17.1 КаАП (дробнае хуліганства).
Як паведамілі БелаПАН у гомельскім АУСТ, дробнае хуліганства ў дадзеным выпадку падпадае пад фармулёўку артыкула 17.1 «… іншыя наўмысныя дзеянні, якія парушаюць грамадскі парадак, дзейнасць арганізацый або спакой грамадзян». Парушальніку пагражае штраф ад 2 да 30 базавых велічынь або арышт.
Пакуль жа жыхар Брэста Аляксей праходзіць даабследаванне у Гомельскай абласной псіхіятрычнай бальніцы, дзе прабудзе як мяркуецца, да пятніцы 6 чэрвеня. Паводле папярэдняй інфармацыі, відавочных псіхічных адхіленняў у маладога чалавека лекары не выявілі.
Нагадаем, 33-гадовы мужчына забраўся на асвятляльную апору на чыгуначным вакзале ў Гомелі 3 чэрвеня прыкладна ў 11.30. Ён правёў там каля 15 гадзін. Берасцеец спусціўся каля 2 ночы пасля таго, як яго папрасіла зрабіць гэта сястра, якая прыехала з Брэста разам з цёткай.
Да прыезду родных мужчыну спрабавалі ўгаварыць спусціцца ўніз каля 15 гадзін. З ім працаваў псіхолаг МНС, яе да мужчыны ўздымалі на адмысловай аўталесвіцы. Аднак берасцеец не рэагаваў, не выстаўляў ніякіх патрабаванняў, не адказваў. Пад вышкай усталявалі выратавальны куб. Таксама прыехалі прадстаўнікі мясцовай улады, хуткая дапамога і міліцыя.
У 23.30 прыбылі сваякі, падняліся да мужчыны ў калысцы аўталесвіцы МНС і размаўлялі з ім. У выніку той самастойна спусціўся на зямлю ў пачатку трэцяй гадзіны Бночы.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі2
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары