Сербія адклала працы па будаўніцтве газаправода «Паўднёвы паток» з-за прыпынення работ у Балгарыі. Пра гэта, як інфармуе сербская газета Blic («Бліц»), заявіла ў панядзелак, 9 чэрвеня, віцэ-прэм'ер і міністр па справах транспарту і інфраструктуры краіны Зарана Міхайлавіч.
Паводле яе слоў, рэалізацыя праекта прыпынена да таго часу, пакуль Балгарыя не скончыць перамовы з Еўрасаюзам, а Еўрасаюз — з Расіяй, альбо пакуль Расія не зменіць маршрут газаправода.
Міхайлавіч таксама нагадала, што Сербія — адзіная кріана, акрамя Расіі, якая ўдзельнічае ў праекце, якая не з'яўляецца сябрам Еўрасаюза.
Напярэдадні прэм'ер-міністр Балгарыі Пламен Арэшарскі распарадзіўся прыпыніць работы па будаўніцтве газаправода «Паўднёвы паток» у сувязі з запытам Еўракамісіі. Паводле яго слоў, далейшыя рашэнні будуць прымацца ў залежнасці ад вынікаў перамоваў з Бруселем.
Раней паведамлялася, што Еўракамісія запатрабавала ад Балгарыі і іншых еўрапейскіх краін спыніць на нявызначаны тэрмін працы па будаўніцтве «Паўднёвага патоку» у тым ліку з-за падзей ва Украіне.
***
«Газпром» са снежня 2012 года вядзе будаўніцтва «Паўднёвага патоку» ў абыход Украіны па дне Чорнага мора, каб дыверсіфікаваць маршруты паставак газу ў Еўропу.
Першую нітку здадуць у эксплуатацыю ў канцы наступнага года. Усяго плануецца пабудаваць чатыры ніткі даўжынёй больш за 930 кіламетраў кожная. Кошт будаўніцтва складзе 39 мільярдаў рублёў.
Меркавалася, што труба пройдзе па дне Чорнага мора ў Балгарыю, далей — праз Сербію, Венгрыю і Славенію на паўночны ўсход Італіі.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака8
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары