10 чэрвеня была зроблена спроба ўгону паветранага судна, якое рухалася па маршруце Кутаісі — Мінск. Камандзіру экіпажа самалёта ад пасажыра была перададзена запіска з пагрозай падарвання авіялайнера і патрабаваннем аб змене курса палёту ў адну з еўрапейскіх краін, паведамляе прэс-служба КДБ.
У гэты час на борце самалёта знаходзіліся 32 пасажыры, у тым ліку 1 дзіця, і 4 члены экіпажа. Дзякуючы прафесійным дзеянням пілотаў, у 6.50 указаны борт зрабіў пасадку ў Нацыянальным аэрапорце «Мінск», паведамляе прэс-служба.
Першасныя мерапрыемствы па падрыхтоўцы спынення супрацьпраўных дзеянняў згоншчыка праведзены службай авіяцыйнай бяспекі і рэжыму аэрапорта сумесна з органамі ўнутраных спраў на паветраным транспарце.
Прадстаўнікі Контртэрарыстычнага ўпраўлення КДБ і групы «А» падняліся на борт авіялайнера і ўступілі ў перамовы з асобай, якая перадала запіску, — грамадзянінам Грузіі, 1973 г. н.
У выніку перамоваў злачынца пагадзіўся пакінуць борт самалёта і ў 8.10 добраахвотна здаўся супрацоўнікам КДБ. А ўжо ў 8.15 паветранае судна пакінулі пасажыры і члены экіпажа.
У дачыненні да затрыманай асобы Камітэтам дзяржаўнай бяспекі заведезена крымінальная справа па ч.2 арт.311 (крадзеж альбо захоп з мэтай згону паветранага судна) КК Рэспублікі Беларусь. Праваахоўнымі органамі праводзяцца неадкладныя следчыя дзеянні.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары