Пасол Літвы ў ЗША Жыгімантас Павілёніс сцвярджае, што яшчэ 6 гадоў таму меў рацыю адносна Расіі: ёй не хапіла Грузіі, прыйшла чарга Украіны, а цяпер пытанне, хто будзе наступным.
«Калі Расія ўварвалася ва Украіну, усе зразумелі, што тыя, каго называлі параноікамі ў дачыненні да Расіі або хто спрабаваў спыніць агрэсію Расію як унутры краіны, так і за яе межамі, мелі рацыю.
І ўжо лепш заставацца тым, хто не грэбуе моцным слоўцам, але абароніць свой народ ад магчымай катастрофы. Лепш ужо давайце чуць гэтых месій, чым смяяцца над імі», — сказаў у інтэрв'ю DELFI Павілёніс.
Ён нагадаў, што калі Расія акупавала немалую частку тэрыторыі Грузіі, літоўскія дыпламаты былі адзінымі, хто спрабаваў абараняць свабоду Грузіі да канца.
«З нас смяяліся, пацяшаліся, але па сутнасці, толькі таму, што мы, магчыма, занадта моцна любілі сваю краіну і занадта моцна супраціўляліся агрэсіі Пуціна», - сказаў дыпламат.
«Я яшчэ памятаю свае ўласныя словы, сказаныя ў Брусэлі, калі нас не разумелі: даражэнькія мае, гэта мюнхенская змова, толькі XXI стагоддзя, і калі вы гэта робіце, то гэта сігнал і дазвол Пуціну гэта паўтарыць. Шэсць гадоў, і жыццё даказала, што я меў рацыю», — адзначыў Павілёніс.
-
«Паліць нафтаперапрацоўчыя заводы». Кіт Келаг параіў, што трэба рабіць Украіне пасля папярэджанняў Трампа
-
У Францыі хакеры ўзламалі халадзільнікі ў сотнях супермаркетаў. Замест мінусавой тэмпературы яны сталі даваць плюсавую
-
У Германіі затрымалі падазраваных у падпале станцыі Starlink у Польшчы. Яны іншаземцы
Каментары