Хлопцы, якіх шукала міліцыя, не тыя.
Інцыдэнт адбыўся каля гадзіны ночы насупраць дома 3 па вул. Мірашнічэнкі ў Мінску 2 жніўня.
Кампанія маладых людзей (5 хлопцаў і 3 дзяўчыны) пасварылася з маладой сямейнай парай, якая прагульвалася па пляжы са сваёй кампаніяй. Канфлікт перарос у бойку.
У выніку 23-гадовы мінчук атрымаў цяжкія цялесныя пашкоджанні ўнутраных органаў.
На мужчыну накінуліся чацвёра хлопцаў, якія потым збеглі. Разам з імі паспяшаліся знікнуць іх «сябры», якія ў гэты момант стаялі побач. Жонка мінчука сур'ёзна не пацярпела.
Супрацоўнікі крымінальнага вышуку ГУУС і Савецкага РУУС высвятляюць, хто гэтыя хуліганы. Іх прыкладны ўзрост 18—23 гады. Адзін з іх моцнага целаскладу, рост каля 165 см.
Астатнія хлопцы вышэйшыя за яго (175—185 см) і хударлявыя.
У кампаніі падазраваных таксама былі тры дзяўчыны, на роварах. У адной з іх фарбаваныя ў белы колер валасы.
Сёння раніцай сталічная міліцыя распаўсюдзіла фотаздымкі хлопцаў, якія трапілі ў камеры відэаназірання каля месца здарэння.
Як паведамілі ў Мінскім ГУУС, асобы гэтых хлопцаў ужо высветлены — іх дачыненне да бойкі не пацвердзілася.
Супрацоўнікі міліцыі працягваюць комплекс мерапрыемстваў, накіраваны на
высвятленне асоб, што мелі дачыненне да збіцця мінчука на беразе Цнянскага вадасховішча 2 жніўня каля гадзіны ночы,
і просяць адгукнуцца магчымых сведак таго, што адбылося. Кантактныя тэлефоны: 8-017-200-60-36, 8-033-635-71-89, 8-029-356-02-02.
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»11
Каментары