Расійская гуманітарная калона, якая рухаецца да мяжы з Украінай, збочыла з федэральнай трасы «Дон» (Масква — Растоў-на-Доне - Наварасійск), накіроўваючыся ў бок расійскага горада Данецк (Растоўская вобл., каля ўкраінскага ПП Ізварына, тэрыторыя, якая кантралюецца сепаратыстамі).
Грузавікі спыняюцца ў полі, напісаў у Твітары карэспандэнт Бі-бі-сі Стыў Розенберг. Грузавікі спыніліся прыкладна ў 35 кіламетрах ад расійска-ўкраінскай мяжы.
У сераду ўвечары аўтакалона не даехала да КПП у Харкаўскай вобласці, дзе ўкраінскія памежнікі павінны былі агледзець змесціва 270 КамАЗаў, і паехала на ўсход.
Некаторы час было невядома, дзе менавіта знаходзіцца калона. Пазней непадалёк ад Варонежа яе пабачылі журналісты.
У чацвер раніцай грузавікі зноў адправіліся ў шлях.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца5
Каментары