Сёння, 26 жніўня, у Мінску запланавана сустрэча прэзідэнта Украіны Пятра Парашэнкі з прэзідэнтамі Расіі Уладзімірам Пуціным, Беларусі Аляксандрам Лукашэнкам і Казахстана Нурсултанам Назарбаевым.
На сустрэчы таксама будуць прысутнічаць вярхоўны прадстаўнік ЕС па пытаннях знешняй палітыкі і палітыкі бяспекі Кэтрын Эштан, віцэ-прэзідэнт ЕС па пытаннях энергетыкі Гюнтэр Этынгер і еўракамісар па пытаннях гандлю Карл дэ Гухт.
Чакаецца, што частка дыскусіі будзе тычыцца эканамічных аспектаў далучэння Украіны да зоны свабоднага гандлю з ЕС і звязанымі з гэтым пытаннямі супрацоўніцтва з краінамі Мытнага саюза.
Па паведамленнях расійскіх інфармацыйных агенцтваў, у Крамлі не выключаюць асобнай сустрэчы Парашэнкі і Пуціна.
Па словах прэс-сакратара прэзідэнта РФ Дзмітрыя Пяскова, на магчымай сустрэчы прэзідэнтаў Украіны і РФ будуць абмяркоўвацца ўкраінскі крызіс, гуманітарная дапамога, патокі бежанцаў.
Таксама, сказаў Пяскоў, у ходзе сустрэчы могуць быць закрануты «двухбаковыя адносіны ў кантэксце падпісання Украінай Асацыяцыі з ЕС».
Парашэнка прыляціць у Мінск першым, яго прылёт запланаваны на 11:15, праз 15 хвілін пасля яго прылятае вярхоўны камісар ЕС па замежных справах і палітыцы бяспекі Кэтрын Эштан і еўракамісар па гандлі Карэл дэ Гухт,
а 12-й прылятае прэзідэнт Казахстана Нурсултан Назарбаеў, а 13.15 — кўракамісар па энергетыцы Гюнтэр Этынгер. Пуцін мае прыляцець а 13.20.
Сёння таксама будзе часткова перакрыта МКАД па дарозе з Нацыяянальнага аэрапорта, уведзеныя абмежаванні на рух на праспекце Пераможцаў з нагоды візіту высокіх гасцей
Цяпер чытаюць
Бабарыка тры хвіліны адказваў на пытанне, чый Крым. Так і не адказаў129
Каментары