Супрацоўнікі аператыўна-пошукавага аддзела і аддзела па барацьбе з кантрабандай Брэсцкай мытні ва ўзаемадзеянні з міліцыяй спынілі спробу незаконнага ўвозу ў Расію буйной партыі свежых шампіньёнаў.
Як паведамілі у прэс-групе мытні, 27 жніўня падчас спецыяльнага мерапрыемства ў Пінскім раёне на аўтадарозе Кобрын — Гомель быў спынены велікагрузны аўтамабіль «Вольва», якім кіраваў грамадзянін Польшчы, вадзіцель-экспедытар адной з расійскіх фірм. У выніку надгляду паўпрычэпа было ўстаноўлена, што ў Расію перамяшчаецца 17,2 тоны свежых шампіньёнаў.
Вадзіцель паказаў таварасуправаджальныя дакументы на груз і фітасанітарны сертыфікат, згодна з якім краінай паходжання грыбоў з'яўляецца Македонія, што не ўваходзіць у санкцыйны спіс краін, увоз тавараў з якіх на тэрыторыю Расіі забаронены.
У час праверкі супрацоўнікі мытні ўстанавілі, што фактычна краіна паходжання шампіньёнаў — Польшча, а таварасуправаджальныя дакументы выдадзеныя адносна іншага тавару, увезенага раней у Беларусь і рэалізаванага на ўнутраным рынку.
У сувязі з транспарціроўкай тавару з парушэннем устаноўленага заканадаўствам парадку мытняй пачаты адміністрацыйны працэс па ч. 4 арт. 12.17 КоАП.
Шампіньёны коштам больш за 500 млн. рублёў канфіскаваныя. На «Вольва» такога ж кошту накладзены арышт.
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары