Apple і Facebook будуць плаціць сваім супрацоўніцам за яйцаклеткі
Кампанія Apple са студзеня пачне кампенсаваць супрацоўніцам кошт замарожвання яйцаклетак, падобная практыка ўжо прынята ў кампаніі Facebook.
Аплата замаразкі яйцаклетак стане часткай пакета бонусаў, з дапамогай якіх кампаніі Крамянёвай даліны прыцягваюць перспектыўных супрацоўніц, паведамляе NBC.
Як Apple, так і Facebook гатовыя кампенсаваць выдаткі на замарозку яйцаклетак на суму да $20 тысяч.
Працэдура часткова можа вырашыць праблему выбару паміж нараджэннем дзяцей і кар'ерным ростам у найбольш падыходзячым рэпрадукцыйным узросце, лічаць у кампаніях. Аднак крытыкі ідэі лічаць, што тэхналагічныя кампаніі такім чынам спрабуюць максімальна ўтрымаць супрацоўніц ад выхаду ў дэкрэтны адпачынак.
Гэта ўжо не першы падобны бонус: да прыкладу, Facebook ужо выплачвае $4 тысячы пры нараджэнні дзіцяці, а Apple аплачвае выдаткі ў памеры да $15 тысяч на медыцынскія працэдуры, звязаныя з планаваннем сям'і.
Магчыма, такім чынам тэхналагічныя кампаніі падтрымліваюць ідэю гендарнай разнастайнасці свайго штата — не сакрэт, што ў большасці кампаній Крамянёвай даліны дамінуюць супрацоўнікі мужчынскага полу. У Apple і Facebook жанчыны складаюць каля 30% штата.
Замарозка яйцаклетак з'яўляецца нятаннай. У ЗША адна працэдура абыходзіцца ў суму ад $7 да 12 тысяч, а захоўванне абыйдзецца яшчэ прыкладна ў $4 тысячы ў год. Дактары ж рэкамендуюць жанчынам замарожваць як мінімум 20 яйцаклетак, што можна зрабіць мінімум за дзве працэдуры.
Цяпер чытаюць
Полк Каліноўскага паведаміў пра гібель трох байцоў5
Каментары