Беларускія вайсковыя лётчыкі атрымаюць у першым квартале 2015 года чатыры самалёты Як-130, распавёў камандуючы Ваенна-паветраных сілаў і войскаў супрацьпаветранай абароны Беларусі генерал-маёр Алег Двігалёў.
У студзені 2015 году нашыя лётчыкі і тэхнікі накіруюцца ў Расею, каб атрымаць патрэбную падрыхтоўку, піша БелТА.
Дамову пра закупку машынаў заключылі ў канцы 2012 года з карпарацыяй «Іркут». Машыны з экіпажам, які складаецца з 2 чалавек, могуць выкарыстоўвацца ў ваенны час як лёгкія штурмавікі — самалёт можа ўзяць на борт да 3 тонаў розных бомбаў і ракетаў.
Як-130 распрацоўваўся сумесна з італьянскай кампаніяй Aermacchi, якая атрымала ўсю канструктарскую і тэхнічную дакумэнтацыю на планер самалёта і потым выпусціла ўласны варыянт – М-346.
Акрамя Беларусі Як-130 замаўлялі В'етнам, Алжыр, Бангладэш і Сірыя. Сірыя, напрыклад, замовіла 36 самалётаў за $550 мільёнаў. Такім чынам можна меркаваць, што кошт адной машыны – каля $15 мільёнаў.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары