У Ваўкавыску пацыент супрацьтуберкулёзнага дыспансэра на глебе рэўнасці напаў з нажом на суседа, паведаміў 18 кастрычніка БелаПАН.
Паводле інфармацыі крымінальнага вышуку Ваўкавыскага РАУС, 22-гадовы і 31-гадовы пацыенты ляжалі ў адной палаце каля паўгода.
У той вечар яны выпівалі. Прычынай канфлікту стала перапіска пацярпелага з жанчынай праз сацыяльную сетку. Малады чалавек прыраўнаваў і вырашыў разабрацца з крыўдзіцелем: дастаў нож, схапіў суседа па палаце за галаву і правёў лязом па шыі. Пашкоджанні апынуліся лёгкімі. З крыкамі аб дапамозе пацярпелы выбег з палаты.
На месца здарэння прыбыла аператыўная група. У момант затрымання, мужчына супраціўляўся і крычаў на міліцыянтаў. Медперсанал дыспансэра пацвердзіў, што падазраваны і раней неаднаразова паводзіў сябе груба.
Падазраваны ў мінулым ужо меў судзімасць за крадзеж і рабаванне. Цяпер у дачыненні да яго ўзбуджаная крымінальная справа за прычыненне цялесных пашкоджанняў.
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары