Расія завяршыла пастаўку ў Беларусь чатырох зенітна-ракетных комплексаў С-300. Аб гэтым заявіў 29 кастрычніка ў Мінску міністр абароны Расіі Сяргей Шайгу.
На чале расійскай дэлегацыі ён браў удзел у пасяджэнні сумеснай калегіі міністэрстваў абароны Беларусі і Расіі.
Кіраўнік расійскага абароннага ведамства выказаў надзею, што ў наступным годзе гэтыя С-300 будуць пастаўлены на баявое дзяжурства.
Шайгу таксама паведаміў, што ў 2015 годзе расійская ваенная авіяцыя з'явіцца на аэрадроме ў Бабруйску. Гаворка ідзе аб 12 баявых знішчальніках СУ-27, двух вучэбна-баявых СУ-27 і чатырох верталётах МІ-8.
Шайгу адзначыў, што на пасяджэнні калегіі прынята рашэнне аб пашырэнні праграмы сумесных вучэнняў «Шчыт Саюза — 2015», што звязана «са становішчам каля нашых межаў і ў свеце ў цэлым».
Цяпер чытаюць
На Шры-Ланцы ў 37 гадоў памёр беларускі кінапрадзюсар Андрэй Маталыга3
Каментары