Спорт33

Што нам снег, што нам дождж: БАТЭ — «Порту» — 0:3 ФОТЫ

Барысаўскі БАТЭ правёў апошнюю хатнюю гульню ў групавым этапе Лігі чэмпіёнаў. У госці на марозную «Барысаў-Арэну» завітаў чэмпіён Партугаліі клуб «Порту».

Вераснёўскае спатканне гэтых каманд скончылася для беларусаў фіяска — 0:6. Пасля БАТЭ здабыў мінімальную перамогу над іспанскім «Атлетыкам». А два апошнія матчы былі поўнай катастрофай — 0:7 і 0:5 ад данецкага «Шахцёра». Ясна, што ў такой сітуацыі новаспечаны 11-разовы чэмпіён Беларусі хацеў на развітанне парадаваць заўзятараў.

У БАТЭ праз траўмы не змаглі выйсці ў аснове пара цэнтральных абаронцаў — Ягор Філіпенка і Дзяніс Палякоў.

Гэта людзі, якія на працягу сезону цэментавалі тылы барысаўскага клуба. Замест іх у аснове з’явіліся менш абкатаныя Віталь Гайдучык (той самы, які нядаўна рэкламаваў творы Васіль Быкава) і серб Неманья Тубіч. У астатнім склад БАТЭ быў даволі прадказальны.

Джэксан Марцінез — аўтар другога гола ў вароты БАТЭ.

Першы тайм пакінуў спадзяванні на добрае сканчэнне гульні. Хоць БАТЭ і не стварыў рэальных момантаў ля варот супернікаў, але склалася ўражанне, што «Порту» ў атацы выглядаў яшчэ больш бяззуба.

Увогуле ўтварылася парадаксальная сітуацыя, што абедзве каманды за першую палову гульні не змаглі нанесці ў створ ніводнага ўдара.

А вось у другім тайме першы ж удар у створ стаў ракавым. На подступах да штрафной памыліўся Аляксандр Карніцкі. І мексіканец Віктар Эрэра (ён быў у Барысаве і тыдзень таму падчас гульняў зборных) неяк надзвычай лёгка і ўдала трапіў у далёкі кут ад Чэрніка. Было гэта на 56-ай хвіліне гульні.

Ясна, што ў такім становішчы барысаўцам толькі і заставалася, што бегчы наперад ды агаляць свае тылы. На 65-ай хвіліне яшчэ адзін прадстаўнік Лацінскай Амерыкі калумбіец Джэксан Марцінэс падвоіў перавагу партугальскага клуба.

Перад гэтым гульцы «Порту» бесперашкодна валодалі мячом у штрафной БАТЭ і рабілі адну за другой дакладныя перадачы. Калі забіваўся другі гол, то фан-сектар, якога нібыта не было, а нібыта быў, спяваў: «Што мне снег, што мне дождж, калі мае друзья са мной».

Аляксандр Ермаковіч імкнуўся ўзбадзёрыць гульню выхадам Дзмітрыя Багі ды Мікалая Сігневіча, аднак у апошні момант нашым гульцам не хапала дакладнай перадачы.

А ўжо на 87-ай хвіліне Крыстыян Тэльё паставіў кропку ў гэтай гульні. На жаль, БАТЭ зноў не атрымалася пазбегнуць буйной паразы.

Апошнюю гульню БАТЭ правядзе 10 снежня ў Більбаа супраць мясцовага «Атлетыка». Наш клуб яшчэ захоўвае тэарэтычныя шанцы на трэцяе месца ў групе, каб працягнуць у лютым змаганне ў Лізе Еўропы.

Сёння а 22:45: Шахцёр — Атлетык.

Каментары3

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Латушка: 25 сакавіка знікла спікерка КР Анжаліка Мельнікава

Латушка: 25 сакавіка знікла спікерка КР Анжаліка Мельнікава

Усе навіны →
Усе навіны

У міліцыі расказалі, як знайшлі забойцу двух чалавек у Рагачоўскім раёне1

305 рублёў за цукарніцу, 456 за заварнік: цэны ў анлайн-краме Свята-Елісавецінскага манастыра шакуюць18

Аперацыя па пошуку салдатаў ЗША, што праваліліся ў балота ў Літве, доўжылася ўсю ноч2

Гэты маленькі звярок можа раскрыць сакрэт барацьбы са старэннем5

«Рыхтавацца да найгоршага»: Макрон заявіў, што ў Парыжы абмяркоўвалі планы падтрымкі Украіны без ЗША2

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае18

У нейрасетку GPT дадалі візуальны генератар. Паглядзіце, што ён можа20

Кот пароды мэйн-кун стаў рэкардсменам Кнігі Гінеса дзякуючы свайму хвасту1

Пуцін гістарычна аргументаваў планы Трампа анексаваць Грэнландыю3

больш чытаных навін
больш лайканых навін

Латушка: 25 сакавіка знікла спікерка КР Анжаліка Мельнікава

Латушка: 25 сакавіка знікла спікерка КР Анжаліка Мельнікава

Галоўнае
Усе навіны →

Заўвага:

 

 

 

 

Закрыць Паведаміць