Масква абавязкова прыме меры ў адказ у выпадку ўвядзення Вашынгтонам новых санкцый, заявіў намеснік міністра замежных спраў Расіі Сяргей Рабкоў у інтэрв'ю Інтэрфаксу.
Ён паведаміў таксама, што кіраўнік расійскага МЗС Сяргей Лаўроў і дзяржсакратар ЗША сустрэнуцца ў Рыме ў нядзелю, 14 снежня.
«Асноўная ўвага будзе нададзена блізкаўсходняму ўрэгуляванню», — сказаў расійскі дыпламат.
Разам з тым, як дадаў Рабкоў, Лаўроў на сустрэчы з Кэры можа падняць тэму прынятага Кангрэсам ЗША акта ў падтрымку Украіны.
Паводле яго слоў, Масква бачыць у гэтым акце «чарговую праяву антырасейскіх настрояў» і спробы навязаць Расіі непрымальныя рашэнні.
Каментары