Прэзідэнт карпарацыі Sony Кадзуа Хіра ўпершыню пракаментаваў скандал з фільмам «Інтэрв'ю» праз некалькі тыдняў пасля хакерскай атакі на камп'ютары Sony Pictures, якая рыхтавалася выпусціць кінастужку ў пракат.
Па словах бізнэсмэна, кібератака была адной з небяспечных у гісторыі інтэрнэту.
Пры гэтым Хіра адзначыў, што ганарыцца тым, як яго кампанія дала адпор хакерам-»вымагальнікам».
Кіраўнік Sony асабліва падкрэсліў, наколькі важная для яго кампаніі свабода самавыяўлення.
У фільме «Інтэрв'ю» распавядаецца пра тое, як два амерыканскія журналісты, якіх граюць Джэймс Франка і Сэт Роген, дамагаюцца інтэрв'ю з Кім Чэн Ынам. Аднак ЦРУ, даведаўшыся пра гэта, звяртаецца да журналістаў з ідэяй забіць паўночнакарэйскага лідара.
За атакай на кампанію-праваўладальніка, як мяркуюць амерыканскія спецслужбы, стаялі паўночнакарэйскія ўлады.
Дзеянні хакераў справакавалі буйны міжнародны скандал і астудзілі і без таго няпростыя адносіны Вашынгтона з Пхеньянам.
ЗША ўвялі санкцыі супраць КНДР, мяркуючы, што за атакай стаіць Пхеньян.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары