netwerk24.com
Прэзідэнт ПАР Джэйкаб Зума абвясціў аб экспрапрыяцыі зямель, адзначыўшы, што гэта прадугледжана канстытуцыяй краіны. Пра гэта ў суботу, 10 студзеня, паведамляе News24.
«Зямля будзе вернута нашаму народу, і мы заклікаем урад дзейнічаць хутка і прыняць адпаведнае заканадаўства ўжо ў гэтым годзе. Экспрапрыяцыя будзе ажыццёўлена ў адпаведнасці з канстытуцыяй», — заявіў Зума, выступаючы на святкаванні 103-й гадавіны кіруючай партыі Афрыканскі нацыянальны кангрэс.
Канстытуцыя ПАР прадугледжвае выплату кампенсацыі за экспрапрыяваныя зямлі.
Папраўка да «Закону аб рэстытуцыі правоў на зямлю», якая дазваляе ўраду ПАР экспрапрыяваць землі белых фермераў з выплатай грашовай кампенсацыі без рашэння суда, уступіла ў сілу ў 2004 годзе. Гэта тычыцца толькі той зямлі, з якой раней незаконна сагналі яе спрадвечных гаспадароў — афрыканцаў. Закон закліканы змяніць становішча, якое дазволіла белым перасяленцам забраць зямлю ў карэннага чарнаскурага насельніцтва больш за 100 гадоў таму.
Ужо каля 1,8 млн чалавек скарысталіся праграмай урада па рэстытуцыі зямель. Афрыканскі нацыянальны кангрэс занепакоены такім тэмпам пераразмеркавання зямель.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак15
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары