У Пінску а сёмай гадзіне раніцы 13 студзеня здарыўся пажар у кватэры на першым паверсе дзевяціпавярховага шматкватэрнага жылога дома па вуліцы Івана Чуклая.
Як паведаміў прэс-сакратар абласнога ўпраўлення МНС Сяргей Машноў, звёнамі газадымаахоўнай службы з кватэры, якая гарэла, былі выратаваныя 85-гадовая гаспадыня і яе 58-гадовы сын.
Мужчына брыгадай хуткай медыцынскай дапамогі дастаўлены ў пінскую цэнтральную бальніцу з дыягназам «вострае атручэнне прадуктамі гарэння цяжкай ступені».
Яго маці была агледжана медыкамі хуткай дапамогі і ад шпіталізацыі адмовілася.
Пажар патушылі за дзевяць хвілін. Агнём пашкоджаны канапа і ўнутраная аддзелка ў кватэры.
Прычына пажару ўстанаўліваецца. Разглядаецца версія — неасцярожнасць пры курэнні сына гаспадыні.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы12
Каментары