Прэзідэнт РФ Уладзімір Пуцін не паедзе на адзначэнне 70-годдзя вызвалення нацысцкага лагера смерці Асвенцім, паведаміла прэс-служба Крамля ў аўторак.
Лагер, у якім, згодна з існуючымі цяпер ацэнкамі, загінулі 1,1 млн чалавек, пераважна габрэяў, быў вызвалены 27 студзеня 1945 году. З 2005 года на гэты дзень ААН прызначыла Міжнародны дзень памяці ахвяр Халакосту.
Прэс-сакратар Пуціна Дзмітрый Пяскоў сказаў у эфіры радыё «Эхо Москвы», што прэзідэнт не атрымліваў запрашэння, а таксама не мае часу, каб паехаць.
У той жа час арганізатары цырымоніі — Музей Асвенціма і Міжнарожная Рада Асвенціма — паведамілі агенцтву Associated Press, што яны ўвогуле нікому не рассылаюць запрашэнні, аднак дзяржавы, якія фінансуюць музей, атрымлівалі запыты, ці будуць прысутнічаць іх прадстаўнікі.
Цяпер сайт Музея паведамляе, што на цырымоніі ў будуць каралі Бельгіі і Нідэрландаў, прэзідэнты Аўстрыі, Харватыі, Кіпра, Францыі, Нямеччыны, Мальты, Польшчы, Славеніі, Швейцарыі. Пра прысутнасць якога-кольвек прадстаўніка Беларусі не згадваецца.
Пуцін прыязджаў на адзначэнне 60-й гадавіны Асвенціма, і ягоная адсутнасць у гэтым годзе, верагодна, адлюстроўвае незадаволенасць Расіі палітыкай заходніх краін у сувязі з канфліктам ва Украіне.
Таксама сітуацыя можа будзе выкарыстаная для прапаганды — расійскаму насельніцтву распавядуць, што Захад не цэніць удзел СССР і расійскага народа ў Другой сусветнай вайне, тым больш, што Асвенцім вызвалілі як раз савецкія войскі.
Польшча, на тэрыторыі якой знаходзіцца Асвенцім, з'яўляецца адным з найбольш рашучых крытыкаў агрэсіі Расіі супраць Украіны, а таксама дапамагае ўкраінскім войскам медыцынскім і нелетальным рыштункам.
Цяпер чытаюць
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты8
Каментары