Аўтарка рамана «Забіць перасмешніка», 88-гадовая Харпер Лі, выпусціць працяг сваёй адзінай кнігі, якая стала ў 1960 годзе лаўрэатам Пулітцэраўскай прэміі.
Пра гэта паведамляе Associated Press са спасылкай на выдавецкі дом Harper.
Кніга аб'ёмам у 304 старонкі ў англійскім варыянце пад назвай Go Set a Watchman выйдзе 14 ліпеня 2015 накладам два мільёны асобнікаў.
«У сярэдзіне 1950-х я напісала Go Set a Watchman, у якой гаворка ідзе пра дарослую гераіню Скаўт.
Мой рэдактар быў захоплены флэшбэкамі аб яе дзяцінстве і пераканаў мяне напісаць раман, які пазней атрымаў назву «Забіць перасмешніка», ад асобы маленькай дзяўчынкі», — тлумачыць Лі.
Паколькі яна ўпершыню збіралася выдаваць кнігу, пісьменніца паследавала парадзе дасведчанага выдаўца. Нядаўна сябар і адвакат пісьменніцы знайшоў рукапіс. Лі паказала яго некалькім людзям, чыё меркаванне мела для яе вагу, і калі яны ўхвалілі раман, аўтар вырашылася на публікацыю праз 50 гадоў пасля стварэння.
Адзіны раман Лі «Забіць перасмешніка» лічыцца збольшага аўтабіяграфічным і напісаны ад асобы дачкі адваката, які абараняе ў судзе чарнаскурага, несправядліва абвінавачанага ў згвалтаванні белай жанчыны. Кніга была апублікавана ў 1960 годзе, праз год Лі атрымала за яго Пулітцэраўскую прэмію. Экранізацыя рамана, выкананая ў 1962 годзе, выйграла некалькі прэстыжных прэмій, у тым ліку тры «Оскары».
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»13
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары