Беласток выйшаў на вуліцы, каб урачыста сустрэць амерыканскія войскі ФОТА
Фотаздымкі радаснай сустрэчы амерыканскіх саюзнікаў жыхарамі Беластока абляцелі заходнія СМІ і сталі сведчаннем таго, як моцна Усходняя Еўропа занепакоеная пагрозай ад пуцінскай Расіі, піша dailymail.co.uk.
На вуліцах горада на мінулым тыдні спыніўся атрад з 2-га кавалерыйскага палка амерыканскай арміі, які выкарыстоўвае баявыя машыны пяхоты Stryker.
Вельмі хутка машыны і жаўнеры былі акружаныя жыхарамі Беластока, якія па-сяброўску віталі амерыканцаў, фатаграфаваліся з імі і нават дарылі ім падарункі.
Юнакі, дзяўчыны і нават бацькі з малымі дзецьмі потым пачалі залазіць на тэхніку і рабіць здымкі на памяць.
Гэта выглядала, піша dailymail.co.uk, як сустрэча амерыканцаў французамі ў 1944 годзе пасля высадкі ў Нармандыі, калі танкі закідвалі кветкамі, а жаўнераў частавалі і абдымалі.
Амерыканцы ўдзельнічалі ў сумесных вучэннях «Атлантычная рашучасць» і праехалі ад Эстоніі праз Латвію і Літву ў Польшчу, а потым у Нямеччыну, каб падтрымаць сваіх усходнееўрапейскіх хаўруснікаў.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары