Мітрапаліт Валакаламскі Іларыён запрасіў прыхільнікаў Іосіфа Сталіна з'ездзіць на Бутаўскі палігон у Маскве, каб ацверазіцца.
Такім чынам старшыня Аддзела знешніх царкоўных сувязяў Маскоўскага патрыярхату ў эфіры праграмы «Познер» на Першым канале адрэагаваў на вынікі апытання, паводле якіх траціна расіянаў станоўча ацэньваюць асобу правадыра.
«На палігоне ёсць музей, фатаграфіі людзей, там распавядаюць што адбывалася — кожны дзень прывозілі і расстрэльвалі ноччу па 200, 300, 400 чалавек. Былі 15-16-гадовыя дзеці. За што іх расстрэльвалі?» — заявіў ён.
Пры гэтым мітрапаліт адзначыў, што нельга прымяншаць гістарычныя заслугі «тых, хто з боку нашай дзяржавы вёў вайну, каб мы перамаглі, а не прайгралі». Аднак ён заклікаў не забываць аб шматмільённых ахвярах, рэпрэсіях.
«Тое, што быў генацыд уласнага насельніцтва — гэта ўсё было», — нагадаў ён.
Цяпер чытаюць
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары