Найноўшы танк Т-14 «Армата» заглух падчас рэпетыцыі параду Перамогі на Краснай плошчы ў Маскве, паведамляюць відавочцы.
Фотаздымкі танка, да якога прымацоўваюць трос для буксіроўкі, апублікаваныя ў сацсетках.
Танк прастаяў цягам усяго параду і пасля яго самастойна з'ехаў з плошчы.
Што менавіта адбылося з машынай у ходзе рэпетыцыі парада, не паведамляецца, аднак, як распавёў ваенны эксперт Віктар Мурахоўскі, хутчэй за ўсё прычынай прыпынку стала памылка вайскоўца — механіка-кіроўцы.
Паводле яго слоў, пасля таго, як у танк сеў кіроўца-супрацоўнік «Уралвагонзавода», ён змог завесці Т-14 і крануцца з месца.
Як адзначаюць відавочцы, дыктар, які каментаваў парад, сказаў, што гледачам была прадэманстравана эвакуацыя падбітай тэхнікі.
Каментары