Кампанія Nikon распрацавала мацаванне для сваіх камер, з дапамогай якога сабакі могуць аўтаматычна фатаграфаваць моманты, калі яны моцна ўсхваляваныя. Пра гэта паведамляе Engadget.
Праект, здольны ператварыць сабаку ў фатографа, атрымаў назву Heartography (ад слоў «heart» і «photography» — «сэрца» і «фатаграфія»). У яго рамках было створана спецыяльнае мацаванне для камер Nikon, якое аўтаматычна робіць здымак, калі ў жывёлы павышаецца пульс.
Па ідэі вытворцы, карыстальнікі фотаапаратаў робяць кадры, толькі калі бачаць нешта сапраўды хвалюючае, а, значыць, іх сэрца ў гэтыя моманты павінна біцца часцей.
Heartography складаецца з двух частак — мацавання для камеры, што вешаецца на шыю сабаку, і эластычнага бранзалета, які вымярае іх пульс. Бранзалет звязваецца з фотаапаратам праз Bluetooth, каб не абмяжоўваць руху жывёлы, а таксама выводзіць паказчыкі на невялікі OLED-дысплей. Уладальнік можа ўручную наладзіць пульс, пры дасягненні якога камера на сабаку пачне аўтаматычна рабіць здымкі.
Як адзначае Engadget, на дадзены момант Heartography з'яўляецца хутчэй даследчым праектам, чым сур'ёзным пачынаннем: Nikon пакуль не плануе прадаваць прыладу.
На рынку існуе мноства рашэнняў для здымкі, што робіцца жывёламі, уключаючы спецыяльныя мацаванні для GoPro, аднак Nikon першай зрабіла гэтую сістэму інтэлектуальнай.
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»59
Каментары