«Справядлівы свет» прапаноўвае перафарматаваць каардынацыйныя структуры апазіцыі
Цэнтральны камітэт Беларускай партыі левых «Справядлівы свет» лічыць, што «наспела неабходнасць радыкальнага перафарматавання існуючых у апазіцыі каардынацыйных структур».
Аб гэтым заявіў старшыня арганізацыі Сяргей Калякін, выступаючы 23 мая ў Мінску на XVIII справаздачна-выбарным з'ездзе партыі.Палітык адзначыў, што адной з пляцовак, на якой рабіліся спробы скаардынаваць дзеянні апазіцыйных арганізацый, была так званая сямёрка. Акрамя партыі «Справядлівы свет» у гэту структуру ўваходзяць Аб'яднаная грамадзянская партыя, Беларуская сацыял-дэмакратычная партыя (Грамада), Партыя БНФ, аргкамітэт па стварэнні партыі «Беларуская хрысціянская дэмакратыя», рух «За Свабоду» і кампанія «Гавары праўду».
Паводле слоў Калякіна, на гэтай пляцоўцы ў апошнія гады «не было дасягнута сур'ёзных дасягненняў», у тым ліку безвынікова закончыліся амаль гадовыя кансультацыі па адзінай стратэгіі і тактыцы дзеянняў апазіцыі падчас прэзідэнцкіх выбараў 2015 года.
Калякін канстатаваў, што агульны стан спраў у шырокай палітычнай апазіцыі сёння горшы, чым чатыры гады таму. «Безумоўна, тут адбіваецца сістэмны ціск улады і створанай ёю палітычнай сістэмы. Але справа не толькі ў гэтым. Пасля драматычных падзей снежня 2010 года моцна знізіўся ўзровень даверу ўнутры апазіцыі. Фактычна адсутнічае адзінае бачанне шляхоў руху да дэмакратычнай Беларусі. У выніку пачалі размывацца базавыя асновы, якія даюць магчымасць для супрацоўніцтва палітычных сіл, якія маюць розную ідэалагічную і светапоглядную арыентацыі», — сказаў ён.
Калякін лічыць непрымальным становішча, калі ўнутранае і знешняе прадстаўніцтва ад імя апазіцыі «фактычна прыватызавана сямю арганізацыямі». «У складзе «сямёркі» колькасна дамінуюць правыя арганізацыі, што не адлюстроўвае рэальнага раскладу сілу на апазіцыйным палітычным полі», — падкрэсліў ён.
-
«І прыходзіў, і парасон над ёй трымаў, і абдымаў, і цалаваў». Маці забітай Таццяны Марцішчанкі расказала пра яе адносіны з бацькам дзіцяці
-
«Трамп закрыў YouTube у Амерыцы? Не». Міністр інфармацыі выказаўся пра магчымасць блакавання YouTube у Беларусі
-
Беларускія хірургі ўпершыню правялі складаную аперацыю на ўнутраным вуху
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома10
Каментары